Gekonserveerde naam
'n Gekonserveerde naam of nomen conservandum (mv. nomina conservanda, afkorting nom. cons.) is ’n wetenskaplike naam wat spesifieke nomenklatuurbeskerming geniet deurdat die naam behou word, selfs al word een of meer reëls verbreek wat andersyds legitimiteit sou verhoed het. Nomen conservandum is ’n Latynse term wat "naam wat gekonserveer moet word" beteken. Die terme "gekonserveerde naam" en "nomen conservandum" is dikwels uitruilbaar soos aangedui in die International Code of Nomenclature for Algae, Fungi and Plants (ICN),[2] terwyl die International Code of Zoological Nomenclature “gekonserveerde naam” verkies.
Die proses waarmee botaniese name gekonserveer word, verskil van dié vir dierkundige name. Volgens die botaniese kode kan name ook “onderdruk” of verwerp word (nomen rejiciendum, mv. nomina rejicienda of nomina utique rejicienda, afgekort as nom. rej.) ten gunste van ’n besondere gekonserveerde naam. Kombinasies gegrond op ’n onderdrukte naam wat ook as nom. rej. gelys word, kan ook onderdruk word.[3]
Verwysings
[wysig | wysig bron]- ↑ McCool, Logan. "The Discovery and Naming of Candida albicans". Antimicrobe. Besoek op 24 Oktober 2023.[dooie skakel]
- ↑ "International Code of Nomenclature for Algae, Fungi, and Plants" (Melbourne Code uitg.). 2012.
- ↑ McNeill, John; Redhead, Scott A.; Wiersema, John H. (2015). "Guidelines for proposals to conserve or reject names". Taxon. 64 (1): 163–166. doi:10.1002/tax.641003.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
