Georg von Hertling

Georg Friedrich Karl Freiherr von Hertling, van 1914 Graaf von Hertling, (31 Augustus 1843 – 4 Januarie 1919) was 'n Duitse politikus van die Katolieke Sentrumparty. Hy was minister van buitelandse sake en ministerpresident van Beiere, toe kanselier van die Duitse Keiserryk en ministerpresident van Pruise van 1 November 1917 tot 30 September 1918. Hy was die eerste partypolitikus wat die twee ampte beklee het; al die ander was loopbaanamptenare of militêre personeel.

Hertling se Katolisisme het 'n belangrike rol in beide sy akademiese en politieke lewe gespeel. Hy het aan die konserwatiewe vleuel van die Sentrumparty behoort en weerstand gebied teen pogings om die regering afhanklik te maak van die wil van die parlement eerder as van die keiser, 'n standpunt wat gehelp het om sy regering in die laaste maande van die Eerste Wêreldoorlog omver te werp.

Bronnelys

• Becker, Winfried. Georg von Hertling 1843–1919. Jugend und Selbstfindung zwischen Romantik und Kulturkampf, Matthias-Grünewald-Verlag, 1981 (isbn 3-7867-0882-7) Mainz.

• Epstein, Klaus. 1960. Der Interfraktionelle Ausschuss und das Problem der Parlamentarisierung 1917–1918, Historische Zeitschrift. Volume 191, 582, doi - 10.1524/hzhz.1960.191.jg.562.

• Rauh, Manfred, Die Parlamentarisierung des Deutschen Reiches. Droste 1977, Düsseldorf.

Eksterne skakels

• Wikimedia Commons het meer media in die kategorie Georg von Hertling.