George Hepplewhite

in Wikipedia, die vrye ensiklopedie
Jump to navigation Jump to search
Hepplewhite-stoel met skildvormige rugleuning

George Hepplewhite (1727? - 21 Junie 1786) was 'n kabinetmaker. Hy word as een van die 'drie groot' Engelse meubelmakers van die 18de eeuse Georgiaanse tydperk, saam met Thomas Sheraton en Thomas Chippendale, beskou. Daar is nie meer bestaande meubelstukke wat deur Hepplewhite of sy firma gemaak is nie. Hepplewhite word egter met 'n eiesoortige styl van ligte, elegante meubels wat tussen ongeveer 1775 en 1800 in die mode was, geassosieer. Reproduksies van sy ontwerpe is deur die daaropvolgende eeue voortgesit. Een eienskap wat in baie van sy stoelontwerpe gebruik is, is 'n skildvormige rugleuning, waar 'n uitvoerige skild in die plek van smaller ruglatte gebruik is.

Lewe en werk[wysig | wysig bron]

Daar is baie min oor Hepplewhite self bekend. Sommige gevestigde bronne het geen inligting oor sy geboorte nie; 'n sekere "George Hepplewhite" is egter in 1727 [1] in Ryton, Durham-distrik, Engeland gebore. Volgens sommige bronne het hy sy vakleerlingskap by Gillows in Lancaster, [2] voltooi, maar die Oxford Dictionary of National Biography (Oxford woordeboek van nasionale biografieë), is skepties hieroor. [3] Dit is bekend dat hy homself in Londen gevestig het, waar hy 'n winkel geopen het. Nadat hy in 1786 oorlede is, is die onderneming deur sy weduwee, Alice, voortgesit. In 1788 het sy 'n boek gepubliseer met ongeveer 300 van sy ontwerpe, The Cabinet Maker and Upholsterers Guide (Gids vir kabinetmakers en stoffeerders), met twee verdere uitgawes wat in 1789 en 1790 gepubliseer is.

Baie mense is vinnig om die ontwerper George Hepplewhite te prys, maar daar is teenstrydighede met betrekking tot sy roem. Die gepubliseerde gidsboeke wat George Hepplewhite as die skrywer aantoon, is eers na sy dood deur sy weduwee gepubliseer. Dit was eers jare na sy dood dat sy ontwerpe erkenning begin kry het. Daar is min bekend oor die man George Hepplewhite, en slegs sy doodsertifikaat lewer skynbaar werklike bewys van sy bestaan. Die vraag ontstaan of “George Hepplewhite” 'n regte persoon was of net 'n naam wat Alice Hepplewhite gebruik het om die gids onder te publiseer.

Met tydgenote soos Thomas Chippendale, wat meubelstukke in 'n verskeidenheid style vervaardig het, is Hepplewhite se befaamde styl makliker identifiseeerbaar. Hepplewhite het meubels wat slanker, meer gerond, gekurfd en goed gebalanseerd was, ontwerp. Daar is 'n paar kenmerke wat op 'n Hepplewhite-ontwerp dui: korter, meer geboë stoelarms, reguit pote, en skildvormige stoelrugleunings, alles sonder uitkerfwerk. Die meubels is met verf en inlegsels wat op die stuk aangebring is, versier.

Die boek het kabinetmakers en meubelvervaardigers vir etlike generasies beïnvloed. Die werke van hierdie geslagte het op hulle beurt namaaksels van die oorspronklike ontwerpe, en variasies daarvan, regdeur die 19de en 20ste eeu beïnvloed.

Galery[wysig | wysig bron]

Hepplewhite-eetkamerstoel met skildrugleuning
Hepplewhite-eetkamerstoel
Hepplewhite-eetkamerstoel
Hepplewhite-bank

Sien ook[wysig | wysig bron]

  • Luke Vincent Lockwood

Bron[wysig | wysig bron]

  • Geoff Nicholson, "America's First Lady and the Roddams of North West Durham" (familiegeskiedenis vir Hillary Clinton ), webblad: Unet-HRoddom .

Verwysings[wysig | wysig bron]

  1. "America's First Lady and the Roddams of North West Durham" (family history for Hillary Clinton), Geoff Nicholson, webpage: Unet-HRoddom Geargiveer 14 Februarie 2007 op Wayback Machine.
  2. FurniturEbuying (2014). "Hepplewhite 1778-1792". FurniturEbuying.com. Besoek op 18 October 2014.AS1-onderhoud: ref=harv (link)
  3. Simon Jervis, ‘Hepplewhite, George (1727?–1786)’, Oxford Dictionary of National Biography, Oxford University Press, 2004 accessed 9 Nov 2014

Eksterne skakels[wysig | wysig bron]