George Meiring

in Wikipedia, die vrye ensiklopedie
Jump to navigation Jump to search
George Meiring
Gebore 18 Oktober 1939
George Meiring

Generaal Meiring

Geboorteplek Ladybrand
Lojaliteit Vlag van Suid-Afrika Vlag van Suid-Afrika Suid-Afrika
Diens/Tak Suid-Afrikaanse Weermag
Suid-Afrikaanse Nasionale Weermag
Jare in diens 1963-1994
1994-1998
Rang Generaal
Veldslae/oorloë Suid-Afrikaanse Grensoorlog
Toekennings Orde van die Ster
Suiderkruis-dekorasie
Suiderkruismedalje
Militêre Merietemedalje

Generaal Georg Meiring (18 Oktober 1939 - ) was 'n Suid-Afrikaanse militêre bevelvoerder van Ladybrand. Na die verkryging van 'n MSc-graad in fisika aan die Universiteit van die Oranje-Vrystaat, het hy in 1963 as 'n seinbeampte by die Suid-Afrikaanse Leër aangesluit. In 1974 is hy as die direkteur van die sein-afdeling (DSigs) van die Suid-Afrikaanse Leër aangestel.[1]

Hy het van 1982 tot 1983 as adjunk-hoof van die leër gedien en van 1983 tot 1987 as die hoof van die Suidwes-Afrika Gebiedsmag. Hy was later die hoof van die Verre Noord Bevel, weer adjunk-hoof van die leër, hoof van die leër van 1990 tot 1993, die laaste hoof van die Suid-Afrikaanse Weermag van 1993 tot 1994, en die eerste hoof van die Suid-Afrikaanse Nasionale Weermag van 1994 tot 1998.

Meiring ontvang in 1998 die Suid-Afrikaanse Orde van die Ster (goud).[2] Hy het ook die orde van "Cloud and Banner" 4de klas van Taiwan ontvang.[3]

Op 5 Februarie 1998 oorhandig Meiring in sy kapasiteit as hoof van Militêre Inligting 'n verslag aan president Nelson Mandela oor 'n organisasie genaamd die "Front African People's Liberation Army". Hierdie verslag impliseer verskeie van die hooggeplaastes in die regering van sameswering tot 'n staatsgreep. Volgens die verslag sou die president en regters vermoor word, waarna die Parlement en uitsaaistasies beset sou word en verdere chaos gesaai sou word. Later, nadat dit ondersoek is, blyk dit dat die verslag foutief was of moontlik toegesmeer is.[4]

Verwysings[wysig | wysig bron]

  1. Hamann, Hilton (2001). Days of the Generals: The untold story of South Africa's apartheid-era military generals. Kaapstad: Zebra Press. ISBN 1-86872-340-2. Besoek op 2007-02-10.
  2. SA Regering - Nasionale ordes
  3. Hayes, S.V. (ed). Who's Who of Southern Africa 1994/1995. Who's Who of Southern Africa (Pty) Ltd. p. 385. ISBN 0-9583902-1-5.AS1-onderhoud: extra text: authors list (link)
  4. Vrae oor Modise se rol om verslag Opposisie sê minister se kop moet ook waai, Beeld, 8 April 1998