Vrouebossie

in Wikipedia, die vrye ensiklopedie
(Aangestuur vanaf Geranium incanum)
Jump to navigation Jump to search

Vrouebossie
Geranium incanum 1.jpg
Wetenskaplike klassifikasie
Koninkryk:
Divisie:
Klas:
Orde:
Familie:
Genus:
Spesie:
Geranium incanum
Binomiale naam
Geranium incanum
Sinonieme

Geranium multifidum Sweet
Geranium incanum var. typicum R. Knuth in Engl.
Geranium incanum var. multifidum (Sweet) Hillard & B.L. Burtt
Geranium incanum var. incanum Burm. f.
Geranium elongatum Salisb.
Geranium caffroides R. Knuth

Die vrouebossie, Geranium incanum, is 'n kruidagtige grondbedekker. Hierdie spesie is endemies aan Suid-Afrika.[1] Dit vorm lang, dun kruipende stingels en word 30 cm hoog. Die blare is kantagtig, fyn verdeeld en immergroen. Pienkpers blomme verskyn gedurende die lente of somer – enige tyd tussen September en Mei. Die delikate blomme bestaan uit 5 hartvormige pienk kroonblare met pers are.

Galery[wysig | wysig bron]

Verspreiding[wysig | wysig bron]

Afkomstig van kusstreke in die Wes-Kaap en Oos-Kaap.

Tuinbou[wysig | wysig bron]

Die vrouebossie is 'n maklike grondbedekker wat vinnig groei en rypbestand is. Dit lyk baie goed in plantbakke, hangmandjies, en heel voor in 'n blombedding.

Dit kan in die son geplant word, maar in warm gebiede sal dit beter vaar in gedeeltelike skadu. Gee dwarsdeur die jaar water en plant in ligte, goedgedreineerde grond met heelwat kompos. 3:1:5 kunsmis kan in die groeiseisoen toegedien word.

Voortplanting geskied deur steggies. Die vrouebossie saai ook homself en klein plantjies sal self in die tuin opkom.

Tradisionele gebruike[wysig | wysig bron]

Die vrouebossie staan ook bekend as bergtee, omdat die blare soms gebruik word as plaasvervanger vir tee. Treksels van die blare word ook tradisioneel gebruik vir menstruele probleme, geslagsiektes en blaasinfeksie.

Sien ook[wysig | wysig bron]

Bronne[wysig | wysig bron]

Verwysings[wysig | wysig bron]