Gereformeerde Kerk Atteridgeville

in Wikipedia, die vrye ensiklopedie
Jump to navigation Jump to search

Die Gereformeerde Kerk Atteridgeville is die vierde oudste van die 10 gemeentes in die Gereformeerde Kerke in Suid-Afrika se Klassis Pretoria-Suidwes. In 2017 was hier 350 belydende en 75 dooplidmate vergeleke met 200 en 50 in 2010.

Die begin van die Gereformeerde Kerk Atteridgeville was motorhuisdienste wat vanaf 1956 Donderdagaande deur oudl. J.M. van Tonder in Pretoria-Wes in sy motorhuis gehou is. Die Sendingkommissie van die Gereformeerde Kerk Pretoria-Wes het hierdie dienste gereël. Die opkoms by die dienste het spoedig te groot geword, en ’n ander heenkome moes gesoek word.

Die Sendingkommissie het aansoek om grond in Atteridgeville gedoen, en in 1957 is ’n kerkgebou opgerig. Die hoeksteen is op 29 Maart 1958 gelê. Die ou kerkklok van Pretoria-Wes en etlike stoele is aan die gemeente geskenk.

Spoedig was dié gebou te klein, en in 1960 is dit vergroot en ’n tweede hoeksteen gelê, op 5 Maart daardie jaar. Die kerkklok is in 2008 gesteel en vervang deur ’n groter klok, wat nou in die kerktoring hang.

Die noordelike wyk van Atteridgeville het in 1960 begin met eredienste in die woonbuurt Rooistad, noordwes van Pretoria, in die huis van broeder Makwala. Hierdie wyk was bekend as Bethlehem. In 1972 het die noordelike wyke van Atteridgeville as die Gereformeerde Kerk Ga-Rankuwa afgestig. Eers in 2009 kon die gemeente 'n eie kerkgebou oprig, waarvan ds. Sello Kenneth Museri die hoeksteen op 24 Mei 2009 onthul het.

Museri, Sello Kenneth, Hons.-B.A., Th.B., Atteridgeville 1998, Ga-Rankuwa.

Predikante[wysig | wysig bron]

  1. Museri, Sello Kenneth, ? – 1998
  2. Semenya, Kwena David, 2005–2007 (waarna Randburg van 2007 af)
  3. Diphoko, Thapelo Petrus, 2008 – hede