Gerrit van Dijk

in Wikipedia, die vrye ensiklopedie
Spring na: navigasie, soek
Gerrit van Dijk
’n Beeld van die betrokke persoonlikheid.
Gebore 5 Mei 1969
George
Nasionaliteit Suid-Afrika
Beroep Skrywer
Bekend vir Wetenskapfiksieboeke


Gerrit van Dijk is ’n Suid-Afrikaanse skrywer van wetenskapsfiksie. Sy twee boeke, Ondulan en T!Nax'u, is beide futuristiese verhale met ’n Christelike inslag. Hy woon op Wildernis naby George in die Wes-Kaap.

Agtergrond en opvoeding[wysig | wysig bron]

Gerrit is op 5 Mei 1969 in George in die Suid-Kaap gebore. As die oudste van twee kinders, lei hy ’n onvergeetlike kinderlewe op Bergplaas, 'n bosboustasie naby Wildernis. Hy matrikuleer in 1987 aan die Hoërskool Jan van Riebeeck. Daarna was dit aanmeld vir Nasionale Diensplig. Hy was in die laaste inname wat twee jaar diens moes doen, en het byna op die grens ook beland. Sy droom om sy debuutroman "Ondulan" as vollengte-film te verwesenlik, was die dryfveer agter sy besluit om Filmwetenskap by die Pretoria Technikon te studeer, maar hy staak sy studies na ses maande. Hy werk toe alreeds deeltyds by die Staatsteater, en om sy denke agtermekaar te kry, begin Gerrit in 1991 werk as assistent-beligtingstegnikus, voordat hy daaropvolgend begin met sy Nasionale Diploma in Beeldende Kuns vir Skilder, wat hy verwerf in 1994.

Desperaat om die Transvaal te verlaat, aanvaar hy 'n pos in 'n skulpwinkel in Gordonsbaai, waar sy loopbaan daaropvolgend in hardeware begin het. Hy ontmoet sy vrou in 1997 en hulle trou uiteindelik in 2008. Teen die einde van die 1990's het hy 'n onverklaarbare nostalgie begin ontwikkel oor sy kinderjare in die denneplantasies agter Wildernis, en teen 2010 was hy terug op sy kinderdorp Bergplaas, waar hy en sy vrou in relatiewe afsondering woon.

Skryfwerk[wysig | wysig bron]

In sy kinderdae al begin Gerrit speel met verhale oor ’n bende jong diere en die avonture wat hulle aan die weskus deurmaak. Dit is egter sy voorliefde vir onverklaarbare gebeurtenisse en vreemde tegnologie wat tot die oorskakeling na wetenskapfiksie gelei het. Dit is dan ook uit hierdie vreemde voorliefde waaruit sy boeke, eers "Ondulan" en nou "T!Nax’u", die lig sien.

Met Ondulan en T!Nax'u het Gerrit van Dijk al twee wetenskapfiksieboeke op sy kerfstok. Ondulan het hom meer as 23 jaar geneem om te voltooi en die opvolgroman T!Nax'u het agt jaar geneem om te voltooi.

Gerrit van Dijk is tans besig om in sy vrye tyd te werk aan sy derde roman.

Verwysings[wysig | wysig bron]

Eksterne skakels[wysig | wysig bron]

Artikels en vermeldings