Gestreepte lipvis

Gestreepte lipvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Labridae Cuvier, 1816
Genus:	Pseudocheilinus
Spesie:	P. evanidus
Binomiale naam
Pseudocheilinus evanidus Jordan & Evermann, 1903

Die Gestreepte lipvis (Pseudocheilinus evanidus) is 'n vis wat voorkom in die Stille Oseaan en die Indiese Oseaan; meer spesifiek aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Striated wrasse.

Identifikasie

Die vis word tot 8cm groot en sy lyf is slank en lank. Die lyf is oranje tot pienk-bruin met dun, digby mekaar ligte horisontale lyne op. Soms is daar ligte bane oor die sye. Daar is ook 'n blou-wit streep van die bek tot by die wang. Die vis se kleurpatroon bly dieselfde deur sy hele ontwikkelingsfase.

Hulle leef in aflandige koraal- en rotsriwwe in water wat 6 tot 40m diep is. Die visse is alleenlopers en bly naby die riwwe vir beskerming. Hulle vreet hoofsaaklik bodem ongewerweldes. Die spesie is redelik volop maar sku.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.se/summary/Pseudocheilinus-evanidus.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3