Gevlekte porseleinkrap

in Wikipedia, die vrye ensiklopedie

Gevlekte porseleinkrap
Wetenskaplike klassifikasie
Koninkryk:
Filum:
Subfilum:
Klas:
Orde:
Suborde:
Infraorde:
Familie:
Genus:
Spesie:
N. maculatus
Binomiale naam
Neopetrolisthes maculatus
Sinonieme
  • Neopetrolisthes ohshimai Miyake, 1937
  • Petrolisthes ohshimai (Miyake, 1937)
  • Porcellana maculata H. Milne Edwards, 1837

Die gevlekte porseleinkrap (Neopetrolisthes maculates) is 'n valskrap en kom wydverspreid in die Stille- en Indiese oseane voor. In die Indiese Oseaan kom dit voor vanaf die Rooi See suidwaarts tot by KwaZulu-Natal.

Die krap word tot 35 mm lank, is rond en glad en skyn soms soos porselein. Die krap se lyf is roomwit en bedek met klein, reëlmatige rooibruin kolletjies. Soms is nog vlekke aanwesig. Die voelers is uitermatig lank en die knypers is groot en plat en word eerder gebruik om sy gebied te beskerm, as om prooi mee te vang. Groot, wit mondgedeeltes steek van die kop af uit. Die vyfde paar pote is verklein en word gebruik vir persoonlike skoonmaakdoeleindes. Die seedier het aangepas om tussen die brande tentakels van anemone te leef in 'n kommensalistiese verhouding. Die krappe leef gewoonlik as pare saam en is suspensie voeders met 'n kamagtige verlenging of die mondgedeeltes wat die plankton uit die water sif. Hulle vreet ook slakke wat op die gasheer voorkom. Die spesie kom algemeen voor.

Eksterne skakel[wysig | wysig bron]

Bron[wysig | wysig bron]

  • The Reef Guide: Fishes, corals, nudibranchs & other invertebrates: East & South Coasts of Southern Africa, deur Dennis King & Valda Fraser, Struik Nature, 2014. ISBN 978-1-77584-018-3