Teenpous Clemens VIII

in Wikipedia, die vrye ensiklopedie
(Aangestuur vanaf Gil Sanches Muñoz y Carbon)
Jump to navigation Jump to search
Teenpous Clemens VIII
Teenpous Clemens VIII se grafsteen.
Teenpous Clemens VIII se grafsteen.
Geboortenaam Gil Sanches Muñoz y Carbon
Geboorteplek Teruel
Geboortedatum 1369
Sterfdatum 28 Desember 1447
Sterfplek Mallorca
Bynaam Doncel
Teenpous van Pous Martinus V
Begin van pontifikaat 10 Junie 1423
Einde van pontifikaat 26 Julie 1429
Vir die wettige pous met dieselfde naam sien Pous Clemens VIII

Teenpous Clemens VIII[1] gebore Gil Sanches Muñoz y Carbon was 'n teenpous met setel in Avignon van 10 Junie 1423 tot 26 Julie 1429

Biografie[wysig | wysig bron]

Gil Sanches Muñoz[2] was die seun van Pedro II Muñoz y Liñan en Catalina Sanchez de Carbon. Hy studeer kerkreg en was tot 1396 in diens van die kurie in Avignon. As gesant van Teenpous Benedictus XIII en aartsbiskop van Valencia het hy hom beywer vir die beëindiging van die Westerse Skisma.

Op die konsilie van Constance is Benedictus afgeset en Pous Martinus V tot pous verkies. Benedictus het die afsetting nie erken nie en homself tot sy dood in 1423 as die regmatige pous beskou. Na sy dood het drie van die vier kardinale wat deur Benedictus aangestel is, vir Gil Sanchez Muños as sy opvolger verkies. Hy het die naam Clemens VIII aangeneem. Hy het die steun van koning Alfonso V van Aragon en Sisilië gekry omdat die koning 'n geskil met Rome gehad het. Pas drie jaar na die dood van Benedictus op 19 Mei 1426 laat Clemens hom as pous uitroep. Die vierde kardinaal wat deur Benedictus aangestel is, was nie tevrede met die keuse nie en het sy eie kandidaat Teenpous Benedictus XIV laat aanstel. Clemens het toe Benedictus XIV in die ban gedoen.

In 1429 het Rome en Aragon vrede gesluit en die politieke steun vir Clemens het verval. Op 26 Julie 1429 doen hy afstand van die pousskap en om verdere moeilikhede te voorkom laat hy sy kardinale die bestaande pous Martinus V as pous verkies. Clemens onderwerp hom aan pous Martinus en word aangestel as biskop van Mallorca.

Verwysings[wysig | wysig bron]

  1. Clement (VIII). (2008). Encyclopædia Britannica. Deluxe Edition. Chicago: Encyclopædia Britannica.
  2. Miranda, S. The Cardinals of the Holy Roman Church. Voetnota by teenpous Benedictus XIII se konsistorie van 22 Mei 1413. [1]


Hierdie artikel is in sy geheel of gedeeltelik vanuit die Nederlandse Wikipedia vertaal.