Gilles de la Tourette-sindroom

in Wikipedia, die vrye ensiklopedie
Jump to navigation Jump to search
Tourette-sindroom
Klassifikasie en eksterne bronne
Georges Gilles de la Tourette (1857–1904)
Georges Gilles de la Tourette (1857–1904)
ICD-10 F95.2
ICD-9 307.23
eMedicine med/3107neuro/664
Star of life caution.svg Mediese waarskuwing

Tourette-versteuring of Gilles de la Tourette-sindroom is 'n oorerflike neurologiese versteuring wat meervoudige motoriese en/of vokale spiertrekkings veroorsaak. Die siekte is na Gilles de la Tourette vernoem, die persoon wat dit eerste beskryf het.

Tourette-sindroom begin gewoonlik tussen 4 en 14 jaar, gewoonlik met spiertrekkings van die gesig, arms en bene. Later begin die persoon gewoonlik onwillekeurige geluide maak, byvoorbeeld keelskoonmaak, hoes, grom en snuif. Koprolalie (onbeheerste gebruik van vuil taal) kom ook in enkele gevalle voor. Dit is meer algemeen by mans as vrouens.

Mense met Tourette-sindroom het 'n normale intelligensie en 'n normale lewensverwagting. Dit raak gewoonlik beter soos 'n persoon ouer word en daar is nie baie volwassenes met ernstige Tourette-sindroom nie. Minder as 15% van mense met Tourette het koprolalie.

Die meeste mense met Tourette het nie behandeling nodig nie. Desnieteenstaande is medikasie beskikbaar wat daarvoor kan help. Daar is ook terapieë wat mense help om makliker daarmee saam te leef.