Ginučiai

in Wikipedia, die vrye ensiklopedie
Jump to navigation Jump to search
Ginučiai
Die historiese watermeul
Die historiese watermeul
Ligging van Ginučiai op 'n kaart (Litaue)
Ginučiai
Ginučiai
Koördinate: 55°23′06″N 25°59′46″O / 55.38500°N 25.99611°O / 55.38500; 25.99611Koördinate: 55°23′06″N 25°59′46″O / 55.38500°N 25.99611°O / 55.38500; 25.99611
Land Vlag van Litaue Litaue
Etnografiese streek Aukštaitija
Rajonmunisipaliteit Ignalina
Eerste verwysing 1554
Hoogte 130 m (427 vt)
Bevolking (2001)
 - Dorp 69
Tydsone OET (UTC+2)
 - Somer (DST) OEST (UTC+3)
Poskode
Webwerf: Ginučiai

Ginučiai is 'n gehuggie op die oewer van die Linkmenas-meer in die Nasionale Aukštaitija-park in Oos-Litaue. Die dorp, wat langs 'n pad aangelê is en administratief aan die Ignalina-rajonmunisipaliteit behoort, het in 2001 'n bevolking van 69 gehad. Land- en bosbou is tradisioneel die belangrikste bronne van inkomste vir die bewoners. Die dorp het vanweë sy ligging in die nasionale park ook tot 'n toeristetrekpleister ontwikkel.

Besienswaardighede[wysig | wysig bron]

Die belangrikste besienswaardighede is 'n historiese watermeul by die plaaslike stroompie - een van min meule in Litaue waar die oorspronklike 19de eeuse meganisme bewaar gebly het en wat tot nasionale monument van ingenieurswese verklaar is. Nog tot en met 1968 is in die meul hidroëlektrisiteit opgewek en koring tot meel gemaal. 'n Klein museum behandel die broodbakkuns. Die watermeul is met fondse van die Europese Unie gerestoureer.

Toerisme[wysig | wysig bron]

Die Srove, een van talle riviere en stroompies in die omgewing

Ginučiai se klein plaaslike hotel met bistro is onder meer gewild vir troues, terwyl die historiese watermeul, waar toeriste ook geakkommodeer kan word, as spookplek bekend staan. Daar is ook oornaggeriewe vir besoekers by 'n nabygeleë kampeerterrein en op enkele boerderye in die omgewing.[1]

Verwysings[wysig | wysig bron]

  1. Markus Polag en Franz Rappel: Litauen & Kurische Nehrung. Dormagen: Iwanowski 2007, bl. 368-369