Pous Clemens IX
| Pous Clemens IX | |
|---|---|
| |
| |
| Geboortenaam | Giulio Rospigliosi |
| Pontifikaat begin | 20 Junie 1667 |
| Pontifikaat eindig | 9 Desember 1669 |
| Voorganger | Alexander VII |
| Opvolger | Clemens X |
| Gebore | 28 Januarie 1600 Pistoia, Groothertogdom Toskane |
| Sterf | 9 Desember 1669 Rome, Italië |
| Ander pouse genaamd Clemens | |
Clemens IX was die 238ste pous van die Rooms-Katolieke Kerk van 1667 tot 1669.
Biografie[wysig | wysig bron]
Pous Clemens IX[1] is gebore as Giulio Rospigliosi op 28 Januarie 1600 in Pistoia, Groothertogdom Toskane. Hy stam uit 'n adellike familie en word opgevoed deur die Jesuïte. Hy verkry 'n doktoraat in die wysbegeerte van die Universiteit van Pisa en doseer teologie daar. Op 14 Maart 1644 word hy aangestel as titulêr aartsbiskop van Tarsus. Tydens die pontifikaat van Pous Urbanus VII is hy nuntius aan die Spaanse hof vanaf 14 Julie 1644. Urbanus maak hom vikaris van Santa Maria Maggiore in Rome. Op 9 April 1657 word hy kardinaal-priester van San Sisto en kardinaal-staatsekretaris. Rospiglione was 'n skrywer van gedigte, drama's en libretto's. In 1632 publiseer hy die libretto vir "Il Sant'Alesio" vir die musiek van Stefano Landi, in 1639 die libretto vir "Chi soffre, speri" vir die musiek van Marco Marazzoli en Virgilio Mazzochi en in 1653 die libretto vir "Dal male il bene" vir die musiek van Antonio Maria Abbatini en Marco Marazzoli. "Chi soffre speri" is die eerste bekende komiese opera, die première het plaasgevind op 27 Februarie 1639 in Rome. Op 20 Junie 1667 volg hy Pous Alexander VII en word gekroon op 26 Junie 1667 deur kardinaal Rinaldo d'Este. Hy regeer tot sy dood op 9 Desember 1669 en word opgevolg deur Pous Clemens X. Die naam ‘Clemens’ beteken 'die sagmoedige'.
Kerklike loopbaan[wysig | wysig bron]
- 14 Maart 1644 – Titulêr Aartsbiskop van Tarsus
- 14 Julie 1644 – Apostoliese nuntius in Spanje.
- April 1657 – Kardinaal-staatsekretaris.
- 23 April 1657 – Kardinaal-priester van S. Sisto
- 20 Junie 1667 – Pous van Rome
Pontifikaat[wysig | wysig bron]
Pous Clemens IX[2] se kort pontifikaat het nie belangrike verwikkelinge opgelewer nie. Hy het die dispuut met die Franse kerk oor die Jansenisme probeer besleg. Die tydelike vrede staan bekend as die Pax Clementina. Hy was ook 'n tussenganger by die vrede van Aken in 1668 waar die devolusie-oorlog tussen Frankryk, Spanje, Engeland en Nederland beëindig is.
Die pous het 'n lewendige belangstelling getoon vir die kunste. Hy het Bernini opdragte gegee soos die engele van die "Ponte Sant'Angelo". Hy het egter nie sy naam op enige publieke werk laat aanbring nie. Vir die karnavalfees van 1668 het hy Antonio Maria Abbatini opdrag gegee om sy Italiaanse vertaling van die Spaanse religieuse drama "La Baltasara" te toonset.
Clemens het probeer om die verdediging van Kreta teen aanvalle van die Turke te versterk, maar op 5 September 1669 het die Turke die vesting Candia (die teenswoordige Iraklion) op Kreta verower.
Clemens het die goeie gewoonte gehad om daagliks dertien armes na sy tafel te nooi vir 'n ete waar hyself bedien het.
Die kollege van kardinale[wysig | wysig bron]
Pous Clemens IX het twaalf nuwe kardinale aangestel in drie konsistories.
Die konsistorie van 12 Desember 1667[wysig | wysig bron]
- Giacomo Rospigliosi, kardinaal-nepoot, sy neef.
- Leopoldo de' Medici.
- Sigismondo Chigi.
Die konsistorie van 5 Augustus 1669[wysig | wysig bron]
- Emmanuel Théodose de la Tour d'Auvergne de Bouillon.
- Luis Manuel Fernández de Portocarrero-Bocanegra y Moscoso-Osorio, deken van die katedraal van Toledo, Spanje.
Die konsistorie van 29 November 1669[wysig | wysig bron]
- Francesco Nerli, senior, aartsbiskop van Florence.
- Emilio Bonaventura Altieri, voormalig biskop van Camerino, later Pous Clemens X.
- Carlo Cerri, dekaan van die Heilige Roomse Rota.
- Lazzaro Pallavicino.
- Giovanni Bona, O.Cist., ab.
- Nicolò Acciaioli, ouditeur-generaal van die Apostoliese Kamer
- Buonaccorso Buonaccorsi, tesourier-generaal.
Saligverklarings[wysig | wysig bron]
- 15 April 1668 – Rose van Lima (die eerste Amerikaanse salige).
- 9 Oktober 1669 – Margaret van Savoje.
Heiligverklarings[wysig | wysig bron]
Bibliografie[wysig | wysig bron]
- Duff, Eamon (2001). Saints and Sinners: A History of the Popes, Yale University Press. ISBN 0-300-09165-6.
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.
Verwysings[wysig | wysig bron]
- ↑ Clement IX. (2008). Encyclopædia Britannica. Deluxe Edition. Chicago: Encyclopædia Britannica.
- ↑ Loughlin, J. (1908). Pope Clement IX. In The Catholic Encyclopedia. New York: Robert Appleton Company. Besoek Augustus 4, 2010 by: http://www.newadvent.org/cathen/04028a.htm
Eksterne skakels[wysig | wysig bron]
- CE Inskrywing in die Catholic Encyclopedia (Engels)
- CF Inskrywing in die Catholic Forum (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
- VH Inskrywing in die Vatican History (in Duits).
- CA Inskrywing in die "Cardinals of the Holy Roman Church".
- Inskrywing in die Catholic Hierarchy (Engels)
- Inskrywing in die Giga Catholic Information (Engels).
 |
Wikimedia Commons bevat media in verband met Clemens IX. |
Nota[wysig | wysig bron]
Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
Opvolging[wysig | wysig bron]
| Voorafgegaan deur Alexander VII |
Pous (Pontifex Maximus) 1667 – 1669 |
Opgevolg deur Clemens X |
| Voorafgegaan deur Fabio Chigi |
Kardinaal-staatsekretaris 1655 – 1667 |
Opgevolg deur Decio Azzolini |
Normdata  |
|
|---|