Goethe Instituut
Die Goethe Instituut (Goethe-Institut) beywer hom vir die instandhouding en uitbreiding van die Duitse taal en kultuur en verspreiding van inligting oor Duitsland.
Die organisasie is in 1951 met ‘n hoofkantoor in München gestig. Reeds die volgende jaar is die eerste tak in die buiteland geopen. Tans is dit werksaam in 99 lande met takke o.a. in Kaapstad en Johannesburg.
‘n Verskeidenheid taalkursusse van beginners tot op die vlak van onderwysers in Duits as taal is beskikbaar. Hierdie kursusse word in verskeie sentrums oor die wêreld heen aangebied en in die laaste jare ook deur afstandsonderrig. In Duitsland help die kursusse met die aanpassing van nuwe immigrante in die Duitse samelewing.
Die genootskap dra die naam van die Duitse geleerde Goethe en word finansieel ondersteun deur die Duitse regering en die Duitse sakewêreld.
Soortgelyke instellings
[wysig | wysig bron]- Alliance Française
- British Council
- Cervantes Instituut (vir Spaans)
- Confucius Instituut (vir Chinees)
- Roesski Mir-stigting
