Golden Gate-Hoogland- Nasionale Park

in Wikipedia, die vrye ensiklopedie
(Aangestuur vanaf Golden Gate Nasionale Park)
Golden Gate-Hoogland- Nasionale Park
Die bekende Brandwagrots
Die bekende Brandwagrots
Land Suid-Afrika
Provinsie Vrystaat
Naaste dorp Clarens
Ligging van Golden Gate-Hoogland- Nasionale Park op 'n kaart (Vrystaat)
Golden Gate-Hoogland- Nasionale Park
Golden Gate-Hoogland- Nasionale Park
Koördinate: 28°30′22″S 28°37′0″O / 28.50611°S 28.61667°O / -28.50611; 28.61667Koördinate: 28°30′22″S 28°37′0″O / 28.50611°S 28.61667°O / -28.50611; 28.61667
Oppervlak 340 km2
Openingsjaar 1963
Bestuursliggaam SANParke
Webblad Golden Gate-Hoogland- Nasionale Park

Die Golden Gate-Hoogland- Nasionale Park is geleë in die Oos-Vrystaatse bergland; dit lê aan die voetheuwels van die Malutiberge. Die park is op 13 September 1963 geproklameer[1] en in November 2008 tot 34 000 ha vergroot deur die insluiting van die voormalige QwaQwa Nasionale Park.[2] Die hoogte van die park wissel van 1 892 m tot 2 770 m bo seevlak. Aan die suide van park is die Monantsapas op die grens met Lesotho. Die Caledonrivier ontspring naby die pas.

Die park is vernoem na die goue kleure wat die sandsteen aanneem wanneer die son daarop skyn. Die bekendste van die sandsteenrotse is die Brandwagrots wat bo die park en hotel uittroon. Na die suide is die Ribbokkop 'n bekende baken wat deel vorm van 'n staproete al langs die Ribbokspruit wat per voet of viertrekmotor onderneem kan word.

Waterskeiding[wysig | wysig bron]

Die oostelike gedeelte van die park vorm die waterskeiding tussen die oostelike en westelike gedeelte van Suid-Afrika. Reën wat oos van hierdie waterskeiding val, vloei uiteindelik in die Indiese Oseaan in, terwyl water aan die westelike kant in die Atlantiese Oseaan invloei.

Soogdiere[wysig | wysig bron]

Die habitat op die hoogland huisves verskillende dierespesies,[3] insluitend:

Groot voëls[wysig | wysig bron]

Daar is ook 'n groot verskeidenheid voëls wat hier aangetref word: witkruisarend, jakkalsvoël, bloukraanvoël, sekretarisvoël en verskeie ander spesies. Die skaars lammergier met 'n vlerkspan van 3 m kom ook hier voor.

Vislewe[wysig | wysig bron]

Karp kom voor in die Golden Gatedam en die reënboogforel in die rivier onder die dam en ook in die Ribbokspruit. Die kleinbek-geelvis was voorheen opgemerk in die Klein-Caledonrivier maar is vir 'n geruime tyd nog nie weer opgemerk nie terwyl die dikkop-ghieliemientjie wydverspreid is in die park.

Akkommodasie[wysig | wysig bron]

Akkommodasie in die park is beskikbaar by Glen Reenen- en die Brandwagruskampe. Karavaan- en tentstaanplekke met ablusie- en opwasgeriewe en 220V krag is by Glen Reenenkamp beskikbaar. 'n Kampwinkeltjie met die nodigste behoeftes en kurio's is oorkant die pad, langs ontvangs, asook 'n vulstasie. Die hotel was voorheen deel van die Brandwagruskamp, maar ná sy onlangse opknapping, word dit afsonderlik bedryf deur SANParke as Golden Gate Hotel. Die naaste dorp wes vanaf Golden Gate-Hoogland- Nasionale Park is Clarens, maar Phuthaditjhaba kan ook maklik via 'n goeie teerpad (R712) ooswaarts bereik word. Op hierdie hoofpad is ook die afdraai noord na die Highlands Mountain Retreat en suid by 28°28′19″S 28°44′42″O / 28.472°S 28.745°O / -28.472; 28.745 na die Basotho Cultural Village se grasdakchalets wat as oornagakkommodasie deur SANParke bestuur word.

Galery[wysig | wysig bron]

Verwysings[wysig | wysig bron]

Bronne[wysig | wysig bron]

  • B.P.J. Erasmus: Op Pad in Suid-Afrika. 1995. ISBN 1-86842-026-4
  • Stuart, Chris & Mathilde (2012). National Parks and Nature Reserves. Struik Travel and Heritage. ISBN 978-1-77007-742-3.