Golf van Corryvreckan
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Golf van Corryvreckan, ook bekend as Straat van Corryvreckan, is 'n nou seestraat tussen die eilande Jura en Scarba langs die weskus van Skotland. Administratief val dit onder die beheer van Argyll and Bute. Die seekanaal word veral verbind met die Corryvreckan-maalstroom, die derde magtigste op aarde.
Magtige strome inkomende getyewater vanuit die ooste en weste vloei elke twee weke tydens springvloed naby die mees noordelike punt van Jura saam. Hier wel die watermassas by 'n basaltpilaar onder water, bekend as The Old Hag, na bo op, terwyl hulle gelyktydig aan die kante van die nou seekanaal teruggestoot word. Sodoende ontstaan 'n magtige maalstroom van seewater met baie sterk seestrominge en staande watergolwe. Die water se gedruis word nog oor 'n afstand van tien myl (16 km) waargeneem.
Eksterne skakels[wysig | wysig bron]
Wikimedia Commons het meer media in die kategorie Golf van Corryvreckan.
- Agtergrondinligting
- Media
Normdata  |
|
|---|