Gonda Betrix

in Wikipedia, die vrye ensiklopedie
Jump to navigation Jump to search
Gonda Betrix
Gebore
Gonda Joyce Betrix (Neé Butters)

28 Augustus 1943
NasionaliteitSuid-Afrika
BeroepPerderuiter
Bekend virSkouspring

Gonda Betrix (1943-) is ’n Suid-Afrikaanse vroueruiter wat talle springkompetisies oor haar loopbaan van meer as 40 jaar gewen het. Sy het Springbokkleure verwerf en die Suid-Afrikaanse individuele skouspringkompetisie tien keer verower. Sy het ook aan die Olimpiese Spele van 1992 deelgeneem. Vir haar ryvernuf is sy met drie sport-merietetoekennings, asook die Staatspresidenttoekenning in 1974, beloon.[1][2]

Beknopte biografie[wysig | wysig bron]

Gonda Joyce Butters is op 28 Augustus 1943 gebore. Sy ry al van vierjarige ouderdom perd en wen haar eerste provinsiale O.18-perdespringkompetisie op agtjarige ouderdom.[3]

Op twaalf breek sy en haar perd Gunga Din 'n Suid-Afrikaanse hoogspringrekord met 'n sprong van 6 voet 8 duim (2,07 meter). Sy maak haar internasionale debuut in dieselfde jaar. Sy verlaat skool op 14 (graad 9) om op skouspring te fokus. In dieselfde jaar, 1958, wen sy die South of England-kampioenskap en eindig sy tweede in die Britse Nasionale Kampioenskap.

Sy verwerf junior Springbokkleure in 1958 en senior -kleure in 1962. Tussen 1962 en 1992 het sy die Suid-Afrikaanse individuele skouspringkompetisie tien keer gewen. In 1992 het sy aan die Olimpiese Spele in Barcelona deelgeneem.

Haar laaste groot oorwinning was in 1994 toe sy die Switserse Dames Internasionale Kampioenskap in Genève, Switserland wen. Sy het die toom in 1995 opgehang, waarna sy haar op afrigting toegespits het.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Gonda Betrix se profiel op whoswho.co.za, besoek op 3 Januarie 2016
  3. Showjumping legend graces Bay for World Cup qualifying event, besoek op 3 Januarie 2017