Gaan na inhoud

Good Will Hunting

in Wikipedia, die vrye ensiklopedie
Good Will Hunting
Regisseur Gus van Sant
Vervaardiger Lawrence Bender
Draaiboek
Met
Musiek deur Danny Elfman
Kinematografie Jean-Yves Escoffier
Ateljee
  • Miramax Films
  • Be Gentlemen[1]
  • A Band Apart
  • Lawrence Bender Productions
Verspreider Miramax Films
Uitgereik 5 Desember 1997 (1997-12-05), VSA
Speeltyd 126 minute[1]
Land VSA
Taal Engels
IMDb-profiel
Die skrywers van die draaiboek, Matt Damon (links) en Ben Affleck.

Good Will Hunting is 'n Amerikaanse rolprent van 1997 wat deur Gus van Sant geregisseer en deur Ben Affleck en Matt Damon geskryf is. Die hoofakteurs is Robin Williams, Damon, Affleck, Stellan Skarsgård en Minnie Driver. Die verhaal gaan oor die skoonmaker Will Hunting, wie se wiskundige genialiteit deur 'n professor ontdek word.

Die prent, wat $10 miljoen gekos het, het baie lof van resensente ontvang en meer as $225 miljoen gemaak. Op die 70ste Oscar-toekenningsaand is dit in nege kategorieë benoem, onder meer vir beste prent en beste regisseur. Dit het twee gewen: vir beste manlike byspeler vir Williams en beste oorspronklike draaiboek vir Affleck en Damon.

In 2014 was Good Will Hunting nommer 53 op The Hollywood Reporter se lys van 100 gunstelingrolprente.[2]

Rolverdeling

[wysig | wysig bron]
  • Robin Williams as dr. Sean Maguire, 'n terapeut en sielkundeprofessor[3]
  • Matt Damon as Will Hunting, 'n 20-jarige selfgeleerde wiskundige genie en 'n skoonmaker by die Massachusetts-instituut vir Tegnologie (MIT)[4]
  • Ben Affleck as Chuckie Sullivan, 'n konstruksieweker en Will se getroue vriend van sy kinderjare af[4]
  • Stellan Skarsgård as professor Gerald Lambeau, 'n pryswennende wiskundeprofessor by MIT wat Will ontdek[4]
  • Minnie Driver as Skylar, 'n ryk Britse student en Will se liefde[4]

Ook in die rolverdeling is Casey Affleck en Cole Hauser as Will se vriende Morgan O'Mally en Billy McBride onderskeidelik;[3] die werklike wiskundige John Mighton as Lambeau se assistant, Tom;[3] en die rolprentregisseur Harmony Korine en kunstenaar Francesco Clemente in kameeverskynings as Herve, 'n gevangene wat Will in die tronk sien, en 'n hipnoterapeut onderskeidelik.[5][6]

Robin Williams
Stellan Skarsgård
Minnie Driver

Storielyn

[wysig | wysig bron]

Bederwingswaarskuwing: Die storielyn en/of storie se einde volg hieronder.

Nadat hy op parool vrygelaat is, werk die selfgeleerde wiskundige genie Will Hunting van Suid-Boston as 'n skoonmaker by die Massachusetts-instituut vir Tegnologie (MIT). Hy bestee sy vrye tyd om saam met sy vriende Chuckie, Billy en Morgan te drink. By die werk los hy anoniem 'n ingewikkelde wiskundeprobleem op wat professor Gerald Lambeau as 'n uitdaging vir sy studente op 'n swartbord neergeskryf het.

Later raak Will en sy vriende in 'n skermutseling betrokke met 'n bende, wat die boelie uit Will se kinderdae insluit. Toe die polisie opdaag, word Will in hegtenis geneem omdat hy 'n polisieman aangeval het. Lambeau laat 'n nog ingewikkelder probleem op die swartbord om die vreemdeling uit te daag, en vang Will uit terwyl hy die oplossing op die bord skryf. In 'n kroeg ontmoet Will vir Skylar, 'n student wat op die punt is om aan Harvard te gradueer en planne het om na die mediese skool van die Universiteit van Stanford te gaan.

Intussen vind Lambeau uit Will is deur 'n program vir gevangenes op parool by MIT geplaas. Hy reël dat Will uit die tronk kan bly, op voorwaarde dat hy wiskunde onder sy toesig studeer en sessies met 'n sielkundige bywoon. Will stem in, maar tart sy sielkundiges uit. 'n Desperate Lambeau kontak dr. Sean Maguire, sy kamermaat op universiteit, wat sielkunde aan 'n ander universiteit doseer. Anders as die ander sielkundiges, daag Sean Will se verdedigingsmeganismes uit. Will begin met Skylar uitgaan, maar jok oor sy verlede.

Will besluit om Skylar aan sy vriende bekend te stel. Lambeau reël verskeie werkonderhoude vir Will, maar hy maak 'n bespotting van die onderhoudvoerders. Nadat Will Skylar se aanbod van die hand wys om saam met haar na Kalifornië te verhuis, sê sy hy is bang, en hy vertel vir haar van sy verlede as 'n weeskind en hoe sy aanneempa hom mishandel het. Will beëindig hulle verhouding. Sean konfronteer Will oor sy vrese, en sê hy moet eerlik wees oor wat hy in die lewe wil hê.

Will hoor Sean en Lambeau oor sy potensiaal stry. Volgens Sean kan Lambeau Will se toekoms verongeluk deur te veel druk op hom uit te oefen. Lambeau gaan weg, en Sean en Will praat oor albei se ondervindings as slagoffers van kindermishandeling. Sean help Will aanvaar die mishandeling wat hy ondergaan het, is nie sy skuld nie deur dit oor en oor te herhaal. Will bars in trane uit.

Will aanvaar een van die aanbiedinge wat Lambeau vir hom gereël het. Vir sy verjaardag koop sy vriende vir hom 'n motor sodat hy werk toe kan ry. Will ry later in die motor weg. Hy laat 'n nota vir Sean dat hy vir Lambeau moet sê hy het na sy meisie gaan soek.

Vervaardiging

[wysig | wysig bron]

Skryfwerk

[wysig | wysig bron]

Die akteurs en draaiboekskrywers Ben Affleck en Matt Damon het op hulle tuisdorp in Massachusetts ontmoet en op onderskeidelik agt- en 10-jarige ouderdom vriende geword.[7] Jare later het Damon Good Will Hunting begin skryf as 'n finale taak vir 'n skryfklas aan Harvard.[8] Hy het die universiteit verlaat nadat hy 'n rol in die prent Geronimo: An American Legend van 1993 gekry het en Affleck in Los Angeles besoek. Hy het die draaiboek saamgebring.[8] Damon het Affleck se inset gevra, en dit het gelei tot die twee se lang samewerking aan Good Will Hunting.[7][8] Affleck en Damon is geïnspireer om aan die draaiboek te werk danksy die regisseur Quentin Tarantino se suksesverhaal met die vervaardiging van sy 1992-prent Reservoir Dogs, wat geskep is al was Taratino 'n winkelklerk.[9]

In Los Angeles het die twee klein rolle in prente en advertensies losgeslaan om aan die lewe te bly terwyl hulle sonder sukses probeer het om 'n indruk op die rolprentbedryf te maak.[9][10] Affleck en Damon het hulle familie en vriende se lewens as inspirasie vir die draaiboek gebruik: Affleck se pa en sy meisie van destyds het as skoonmakers by Harvard gewerk, Affleck en Damon het in die somer op konstruksieterreine gewerk, en van hulle ouers se agtergrond is in die prent gebruik.[8][11]

Finansiering

[wysig | wysig bron]

Die twee het die draaiboek in 1994 voltooi en dit aan hulle agent, Patrick Whitesell, gegee, wat daarvan gehou het.[8] Whitesell het egter gedink dit sou feitlik onmoontlik wees om 'n ateljee te kry wat bereid sou wees om 'n prent te vervaardig waarin twee onbekende akteurs speel wat ook die draaiboek geskryf het.[8] Affleck en Damon het nog nie 'n titel of 'n naam vir die hoofkarakter gehad nie. Die twee het toe 'n draaiboek met die titel Good Will Hunting gelees wat deur hulle skoolvriend Derrick Bridgeman geskryf is en hom $10 000 aangebied om die titel te gebruik as hulle hulle draaiboek verkoop sou kry.[12] Bridgeman verskyn in die fliek as 'n student in een van Lambeau se klasse.[12] Inligting oor die draaiboek het onder uitvoerende beamptes versprei, en [8] Affleck en Damon het Castle Rock Entertainment se aanbod van $600 000 in November 1994 aanvaar op aanbeveling van die regisseur Richard Linklater, saam met wie Affleck in 1993 aan die prent Dazed and Confused gewerk het.[8][9]

Op aanbeveling van ander kenners het Affleck en Damon die draaiboek feitlik heeltemal oorgeskryf en gekonsentreer op die verhouding tussen Will en Sean.[13][8] Castle Rock het hulle gevra om die draaiboek verskeie kere oor te skryf en wou nie hê hulle moes by die vervaardiging betrokke wees nie. Eindelik het hulle die twee gevra om binne 30 dae 'n ander maatskappy te kry wat die draaiboek vir $1 miljoen sou koop.[9]

Affleck het Kevin Smith gevra om dit te vervaardig vir Miramax Films. Dié het nie kans gesien nie, maar dit onder die aandag van Miramax se stigter, Harvey Weinstein, gebring.[8] Weinstein het daarvan gehou en Good Will Hunting vir $1 miljoen van Castle Rock gekoop. Hy het Affleck en Damon die hoofrolle in die fliek gegee.[8][9]

Voorproduksie

[wysig | wysig bron]

Smith, as uitvoerande vervaardiger, wou hê Affleck en Damon moet Good Will Hunting regisseer, maar die ateljee het geweier.[14][15] Affleck en Damon het die regisseur Gus van Sant voorgestel omdat hulle sy werk bewonder het.[9] Miramax het die draaiboek na Van Sant gestuur, maar ook aan ander regisseurs, onder andere Michael Mann.[14] Dié het geweier om die prent te regisseer omdat hy nog nie van Affleck en Damon gehoor het nie. Die twee het saam met Mel Gibson aan die ontwikkeling begin werk, maar Gibson se uitgerekte vervaardiging het meegebring dat die twee hom gevra het om te onttrek, want hulle was bang hulle sou eindelik te oud wees om die rolle te vertolk.[8] Nadat Gibson ingestem het, het Miramax die prent amptelik aan Van Sant gebied, maar teen 'n kwart van die prys wat hy wou hê.[8][9] Van Sant het gehuiwer om saam met Weinstein te werk, want hy het by Tarantino van sy humeur gehoor.[9] Van Sant en Weinstein het oor sekere aspekte begin argumenteer en die vervaardiging is stopgesit.[8]

Die akteur Robin Williams se belangstelling in die rolprent het daartoe gelei dat dit eindelik vervaardig is.[8] Hy het sy rol vergelyk met sy rol in Dead Poets Society.[8][16] Williams het sy prys van sowat $20 miljoen per rolprent verlaag na $5 miljoen. Hy het egter in sy kontrak laat insluit dat hy 20% van die prent se verdienste sou kry as die bruto inkomste $60 miljoen oorskry, met die persentasie wat groei namate die bruto inkomste toeneem.[17] Miramax het nie geglo die prent sou soveel verdien nie en het ingestem.[18] Van Sant is eindelik as regisseur aangestel.[8]

Verfilming

[wysig | wysig bron]

Die verfilming het op 14 April 1997 begin en nege weke geduur.[8] Affleck en Damon het Van Sant toegelaat om die ontwikkeling van die verhaal oor te neem en besluit om op toneelspel te fokus.[19] Van Sant se proses het ingesluit om met die akteurs te oefen, ’n onopsigtelike plek te vind om die kamera te plaas en lang tonele te verfilm sonder om in te meng, om vertolkings en interaksies te verkry wat volgens Damon ’n "oomblik-tot-oomblik-eerlikheid" oorgedra het.[8][19] Van Sant het probeer om die akteurs tegemoet te kom: Damon het dikwels net een probeerslag vir 'n skoot nodig gehad, Affleck het daarvan gehou om die tonele ’n paar keer oor te skiet en Williams het ’n minimum van sewe probeerslae nodig gehad om tevrede te voel, aangesien hy weergawes wou hê wat op verskillende emosies gefokus het.[12] Verskeie akteurs het Van Sant se metode waardeer: Damon het gevoel dat sy toneelspelproses deur die regisseur "gevoed" is, Skarsgård het gesê hy het "die akteurs ruimte gegee om te groei" en Williams het gedink die proses is "maklik".[12][19] Williams het dikwels reëls op stel geïmproviseer, met een van sy byvoegings wat die laaste reël van Good Will Hunting was: "Son of a bitch stole my line".[8]

Die Bostonse Openbare Tuin in 2025 (links) en The Tasty in 1996.

Die verfilming van die binnenshuise tonele het in Toronto plaasgevind en van die buitenshuise tonele in die Groter Boston-gebied.[20] In Boston het Affleck en sy broer saam met Damon en Hauser in dieselfde woonstel gebly en dikwels saam met Driver uitgehang.[12] Van Sant het inwoners van Boston in klein rolle geplaas en die rol van regter Malone gegee aan Jimmy Flynn, ’n lid van die Winter Hill-bende wat voorheen vir moord verhoor en vrygespreek is in dieselfde hofsaal van die Bostonse munisipale hof se Suid-Bostonse afdeling waar die prent geskiet is.[12][20][21]

Die bemarkingspan van Miramax wou verskeie kettingrestaurante as stelle gebruik, maar Affleck en Damon het unieke Boston-liggings soos The Tasty en Kelly's Roast Beef bevorder.[8] Die Harvard-administrasie het aanvanklik geweier om die die span toe te laat om op kampus te verfilm, maar het ingestem nadat die akteur en Harvard-alumnus John Lithgow vir hulle in die bres getree het, wat die span toegelaat het om tonele voor Dunster- en Lowell-huis te skiet.[20] Die Bostonse polisiekantoor het sekuriteit vir die span verskaf terwyl Damon en Williams ’n toneel in die Bostonse Openbare Tuin verfilm het, wat meer as 3 000 toeskouers gelok het.[8] Die film eindig met Will wat op die Massachusetts Turnpike wegry.[22]

Uitreiking

[wysig | wysig bron]

In rolprentteaters

[wysig | wysig bron]
Die Bruinteater in 2006.

Good Will Hunting se première was op 2 Desember 1997 in die Bruinteater in Westwood Village, Los Angeles.[23] In die VSA is dit op 5 Desember in sewe teaters in New York en Los Angeles uitgereik. Dit het in sy openingsnaweek $272 912 verdien.[24] In sy vierde naweek het dit $1 720 540 in 157 teaters verdien.[25] Twee weke later het Good Will Hunting ’n algemene uitreiking in 1 787 teaters gehad en $14 844 684 verdien. Dit was ná Titanic die gewildste prent van die week.[26] In sy agtste week het Good Will Hunting $11 218 707 verdien.[27] In sy 14de week het die prent se totale bruto inkomste die $100 miljoen-kerf oorskry.[28]

Williams se ooreenkoms het bepaal dat hy op daardie punt ’n groter persentasie van die winste sou begin ontvang.[15] Miramax het ’n punt bereik waar dit vir hulle voordeliger geword het om die prent op tuisvideo uit te reik. Miramax het dit heeltmal uit teaters onttrek,[15][18][29] nadat dit $138,4 miljoen verdien het.[28][29][30]

Affleck, Damon en Van Sant was ook geregtig op winspersentasies.[9] Van Sant het beweer Miramax het nie die bedrag betaal nie en dat Weinstein gesê het Williams se ooreenkoms het hulle fondse uitgeput, maar Weinstein het die bewerings ontken.[9] Affleck en Damon het ook nie hulle deel ontvang nie, aangesien Miramax beweer het sy rekenkundige departement het gerapporteer dat die prent $50 miljoen verloor het.[9] Albei het later ’n bonus van $500 000 elk gekry.[9] Damon het gesê: "Ek kyk nooit terug op daardie ervaring en voel verneuk nie. Miskien as ek nooit weer daarna gewerk het nie [...] Maar dit was nie ’n eenmalige ding nie; ek vind nog steeds by daardie ervaring baat."[9]

Op tuismedia

[wysig | wysig bron]

Good Will Hunting is op 7 Julie 1998 die eerste keer op tuisvideo uitgereik.[31] Deur die loop van die jaar is die prent op verskeie formate uitgereik. Die DVD-weergawe is 'n versamelaarsuitreiking met klankkommentaar deur Affleck, Damon en Van Sant, 11 uitgesnyde tonele met kommentaar en 'n musiekvideo.[32][33]

In Junie 2011 het Netflix en Hulu dit begin stroom.[34][35] In Augustus 2025 was Good Will Hunting een van Netflix se top-10-prente van die week.[36] In Augustus 2011 is Good Will Hunting die eerste keer op die tuisvideoformaat Blu-Ray beskikbaar gestel.[37] 'n Jaar later, met sy 15de herdenking, is dit met ekstra materiaal weer op Blau-Ray uitgereik.[38][39]

Ontvangs

[wysig | wysig bron]

Resensies

[wysig | wysig bron]

Good Will Hunting het wydverspreide lof van resensente ontvang. Op Rotten Tomatoes was 97% van 91 resensies positief, met ’n gemiddelde gradering van 8,1/10. Die webtuiste se konsensus lui: "Dit volg ’n voorspelbare narratiewe boog, maar Good Will Hunting voeg genoeg eienaardighede by die reis – en is gelaai met genoeg kragtige vertolkings – dat dit ’n vermaaklike, emosioneel ryk drama is."[40] Op Metacritic het die rolprent ’n punt van 71 uit 100 gekry, gebaseer op 28 resensies, wat dui op 'n "algemeen gunstige" ontvangs.[41]

Affleck en Damon kyk in 1998 in privaatheid saam met oud-president Bill Clinton na die fliek op televisie.

Roger Ebert van die Chicago Sun-Times het die rolprent drie uit uit vier sterre gegee en geskryf hoewel die verhaal "voorspelbaar" is, is dit "die individuele oomblikke wat dit so doeltreffend maak".[42] Duane Byrge van The Hollywood Reporter het die toneelspel geprys en geskryf: "Die spel is oor die algemeen briljant, met spesiale lof aan Matt Damon vir sy woedend-teer uitbeelding van die seun wat met genialiteit vervloek is."[43]

Owen Gleiberman van Entertainment Weekly het die rolprent ’n "B" gegee en verklaar: "Good Will Hunting is vol – inderdaad, oorvol – hart, siel, durf en kletspraatjies. Jy mag nie ’n minuut daarvan glo nie, maar jy wil nie noodwendig ophou kyk nie." Hy het ook die chemie tussen Damon en Williams uitgelig.[44] Janet Maslin van The New York Times het die draaiboek "slim en aangrypend" genoem en Van Sant geprys vir regie met "styl, slinksheid en duidelikheid". Sy het ook die produksie-ontwerp en kinematografie geprys, wat die kyker moeiteloos van "klaskamer na koshuiskamer na buurtkroeg" kon neem, in ’n klein omgewing.[45]

Andrew O'Hehir van die webtuiste Salon het gedink die prent is, ondanks "genotvolle karakters", ietwat oppervlakkig. Hy skryf: "Daar is nie baie om saam huis toe te neem nie ... baie sal die volgende oggend wakker word en wonder waarom dit uiteindelik so min beteken, met al daardie talent beskikbaar."[46]

Nev Pierce van die BBC het die rolprent vier uit vyf sterre gegee en dit beskryf as "aangrypend, sonder om sentimenteel te wees", hoewel hy gevoel het sommige tonele is "vreemde afdwalings in selfhelpterminologie".[47]

Pryse

[wysig | wysig bron]

Op die 70ste Oscar-toekenningsaand het Good Will Hunting die prys vir beste oorspronklike draaiboek vir Affleck en Damon gewen, asook die Oscar vir beste manlike byspeler vir Williams. Dit het nog sewe benoemings gekry: vir beste akteur (Damon), beste regisseur (Van Sant), beste redigering, beste oorspronklike musiek, beste oorspronklike liedjie, beste rolprent en beste vroulike byspeler (Driver).[48] Op 25 was Affleck die jongste persoon wat 'n Oscar vir 'n draaiboek gewen het, en Damon op 27 die tweede jongste.[8]

Affleck en Damon het ook onder meer die Critics' Choice Movie Award vir beste draaiboek gewen.[49][50] Williams het die Screen Actors Guild Award vir beste byspeler gewen.[51] Skarsgård het die European Film Academy Achievement in World Cinema Award gewen.[52]

Draaiboek

[wysig | wysig bron]

Good Will Hunting het die akteursloopbane van Affleck en Damon van stapel laat loop.[8] Affleck, Damon en Kevin Smith kon befondsing vir Smith se fliek Dogma van 1999 kry danksy die sukses van Good Will Hunting en Chasing Amy, waaraan Affleck en Smith saamgewerk het.[14]

Affleck en Damon het oor die volgende dekade in verskeie flieks saam verskyn, maar het eers weer 'n draaiboek saam geskryf met die vervaardiging van Ridley Scott se The Last Duel van 2021. Volgens hulle het dit hulle so lank geneem om Good Will Hunting te voltooi dat dit hulle weggehou het van die samewerking aan nog 'n draaiboek.[7]

Reeds voor die Oscar-seremonie van 1998 het gerugte die ronde begin doen dat Good Will Hunting se draaiboek nie deur Affleck en Damon geskryf is nie, maar deur Castle Rock se draaiboekskrywer William Goldman.[13][12] Damon het geweier om dit tydens onderhoude te bespreek omdat hy dit as beledigend beskou het.[12] Ná die Oscars het die gerugte bly versprei.[53] Goldman het dit telkemale in onderhoude en in sy memoires ontken.[13][53] In 2003 is die gerugte gebruik in die toneelstuk Matt & Ben deur die aktrises Mindy Kaling en Brenda Withers waarin die draaiboek van Good Will Hunting uit die plafon van Affleck se woonstel val.[54]

Verwysings

[wysig | wysig bron]
  1. 1 2 "Good Will Hunting (1997)". AFI Catalog of Feature Films. Geargiveer vanaf die oorspronklike op 19 Januarie 2018. Besoek op 19 Januarie 2018.
  2. ↑ "Best Hollywood Movies of All Time – Hollywood Reporter". The Hollywood Reporter. 25 Junie 2014. Geargiveer vanaf die oorspronklike op 26 November 2014. Besoek op 22 November 2014.
  3. 1 2 3 Weiss, Jacqueline (5 Desember 2023). "The Cast of Good Will Hunting: Then and Now". People. Geargiveer vanaf die oorspronklike op 5 Desember 2023. Besoek op 12 November 2025.
  4. 1 2 3 4 Hadadi, Roxana (24 Mei 2020). "'It's Not Your Fault': On Hanging Out and Healing in Good Will Hunting". RogerEbert.com. Geargiveer vanaf die oorspronklike op 3 Junie 2020. Besoek op 12 November 2025.
  5. ↑ Seibold, Witney (7 September 2025). "Matt Damon's Good Will Hunting Featured a Cameo From a Controversial Director". /Film. Geargiveer vanaf die oorspronklike op 7 September 2025. Besoek op 12 November 2025.
  6. ↑ Moore, Paul (5 April 2023). "The Inspiring True Story Behind Good Will Hunting". Inverse. Geargiveer vanaf die oorspronklike op 6 April 2023. Besoek op 8 Desember 2025.
  7. 1 2 3 Sager, Jessica (24 Julie 2023). "Matt Damon and Ben Affleck's Friendship Timeline". People. Geargiveer vanaf die oorspronklike op 3 April 2023. Besoek op 13 November 2025.
  8. 1 2 3 4 5 6 7 8 9 10 11 12 13 14 15 16 17 18 19 20 21 22 23 24 Nanos, Janelle (2 Januarie 2013). "Good Will Hunting: An Oral History". Boston. Geargiveer vanaf die oorspronklike op 23 Desember 2019. Besoek op 13 Julie 2017.
  9. 1 2 3 4 5 6 7 8 9 10 11 12 13 Biskind, Peter. "The Weinstein Way". Vanity Fair. Geargiveer vanaf die oorspronklike op 14 Februarie 2015. Besoek op 15 November 2025.
  10. ↑ Sederholm, Jillian (22 April 2023). "Ben Affleck and Matt Damon Blew All Their Good Will Hunting Money in 6 Months on a Party House and Jeeps". Entertainment Weekly. Geargiveer vanaf die oorspronklike op 23 April 2023. Besoek op 13 November 2025.
  11. ↑ Shone, Tom (5 Januarie 2011). "Malick Gave Good Will Hunting Its Ending". These Violent Delights. Geargiveer vanaf die oorspronklike op 12 Oktober 2011. Besoek op 13 November 2025 – via Blogspot.
  12. 1 2 3 4 5 6 7 8 Nanos, Janelle (2 Januarie 2013). "Good Will Hunting: An Oral History: Online Extra". Boston. Geargiveer vanaf die oorspronklike op 21 Mei 2025. Besoek op 13 November 2017.
  13. 1 2 3 Moriarty (11 Maart 2004). "William Goldman Interview". Screenwriter's Utopia. Geargiveer vanaf die oorspronklike op 22 April 2024. Besoek op 13 November 2025.
  14. 1 2 3 McArdle, Tommy (7 Junie 2025). "Why Kevin Smith Turned Down Chance to Direct Ben Affleck and Matt Damon's Good Will Hunting (Exclusive)". People. Geargiveer vanaf die oorspronklike op 7 Junie 2025. Besoek op 13 November 2025.
  15. 1 2 3 Sharf, Zack (25 Oktober 2021). "Kevin Smith: Weinstein Cut Good Will Hunting Release Short to Screw with Robin Williams' Deal". IndieWire. Geargiveer vanaf die oorspronklike op 19 Mei 2023. Besoek op 15 November 2025.
  16. ↑ Nanos, Janelle (8 Januarie 2013). "Robin Williams on Good Will Hunting". Boston. Geargiveer vanaf die oorspronklike op 6 Desember 2017. Besoek op 13 November 2025.
  17. ↑ Bucklow, Andrew (4 Oktober 2018). "Matt Damon Spills on Robin Williams' Genius Contract Move for Good Will Hunting". New Zealand Herald. Geargiveer vanaf die oorspronklike op 23 Oktober 2021. Besoek op 13 November 2025.
  18. 1 2 Buchanan, Kyle (11 Desember 2012). "Matt Damon and Gus Van Sant on the Fifteenth Anniversary of Good Will Hunting". Vulture. Geargiveer vanaf die oorspronklike op 14 Desember 2012. Besoek op 15 November 2025.
  19. 1 2 3 Béhar, Henri (8 Januarie 2013). "Matt Damon on Good Will Hunting". Film Scouts. Geargiveer vanaf die oorspronklike op 9 September 1999. Besoek op 14 November 2025.
  20. 1 2 3 Ba Tran, Andrew. "Then and Now: Revisiting Good Will Hunting". Boston. Geargiveer vanaf die oorspronklike op 12 Januarie 2017. Besoek op 25 Januarie 2017.
  21. ↑ Richard, Hillary (25 Februarie 2022). "The Boston Immortalised in Good Will Hunting". BBC. Geargiveer vanaf die oorspronklike op 14 November 2021. Besoek op 14 November 2025.
  22. ↑ Vanhoenacker, Mark (18 Augustus 2014). "What Does This Beloved Road Sign on the Massachusetts Turnpike Actually Mean?". Slate. Besoek op 25 September 2024.{{cite magazine}}: AS1-onderhoud: url-status (link)
  23. ↑ "Will -ing Partygoers". Variety. 3 Desember 1997. Geargiveer vanaf die oorspronklike op 23 November 2025. Besoek op 15 November 2025.
  24. ↑ Roman, Monica (22 Desember 1997). "Harry and Will ride high atop exclusive B.O." Variety. Geargiveer vanaf die oorspronklike op 23 November 2025. Besoek op 15 November 2025.
  25. ↑ "Good Will Hunting (Domestic Weekend)". Box Office Mojo. Geargiveer vanaf die oorspronklike op 5 Desember 2022. Besoek op 15 November 2025.
  26. ↑ "Domestic 1998 Week 2". Box Office Mojo. 9–15 Januarie 1998. Geargiveer vanaf die oorspronklike op 23 November 2025. Besoek op 15 November 2025.
  27. ↑ "Domestic 1998 Week 4". Box Office Mojo. 23–29 Januarie 1998. Geargiveer vanaf die oorspronklike op 23 November 2025. Besoek op 15 November 2025.
  28. 1 2 "Good Will Hunting (Domestic Week)". Box Office Mojo. Geargiveer vanaf die oorspronklike op 23 November 2025. Besoek op 15 November 2025.
  29. 1 2 "Good Will Hunting (Box Office)". The Numbers. Geargiveer vanaf die oorspronklike op 23 November 2013. Besoek op 15 November 2025.
  30. ↑ Bates, James (23 Maart 1998). "Big Profits Raise Profile of the 'Small Movie'". Los Angeles Times. Geargiveer vanaf die oorspronklike op 21 November 2022. Besoek op 23 November 2025.
  31. ↑ Nichols, Peter M. (17 April 1998). "Home Video". The New York Times. Geargiveer vanaf die oorspronklike op 27 Mei 2015. Besoek op 16 November 2025.
  32. ↑ "Criterion Collection Still Producing Some Great LaserDiscs". Hartford Courant. 20 Augustus 1998. Geargiveer vanaf die oorspronklike op 10 Desember 2025. Besoek op 16 November 2025.
  33. ↑ "Introducing DIVX". Santa Cruz Sentinel. Vol. 141, no. 265. 25 September 1998. p. 3.
  34. ↑ Renninger, Bryce J. (1 Junie 2011). "Miramax and Hulu to Bring Pulp Fiction, Good Will Hunting & More to Your Screen". IndieWire. Geargiveer vanaf die oorspronklike op 23 November 2025. Besoek op 23 November 2025.
  35. ↑ "Netflix Adds Miramax Movies To Streaming Roster". CBS News. 16 Mei 2011. Geargiveer vanaf die oorspronklike op 23 November 2025. Besoek op 16 November 2025.
  36. ↑ Balderston, Michael (11 September 2025). "Matt Damon's Good Will Hunting Becomes Netflix Global Hit". Screen Rant. Geargiveer vanaf die oorspronklike op 23 November 2025. Besoek op 16 November 2025.
  37. ↑ "DVD and Blu-ray Releases for August 30th, 2011". The Numbers. 30 Augustus 2011. Geargiveer vanaf die oorspronklike op 24 Februarie 2015. Besoek op 16 November 2025.
  38. ↑ "Featured Blu-ray Review: Good Will Hunting". The Numbers. 20 Augustus 2012. Geargiveer vanaf die oorspronklike op 25 November 2022. Besoek op 16 November 2025.
  39. ↑ Gilchrist, Todd (21 Augustus 2012). "New on Blu: The Dictator, Chimpanzee and Good Will Hunting". The Hollywood Reporter. Geargiveer vanaf die oorspronklike op 20 Mei 2021. Besoek op 16 November 2025.
  40. ↑ "Good Will Hunting". Rotten Tomatoes. Fandango. Geargiveer vanaf die oorspronklike op 17 Augustus 2010. Besoek op 18 April 2024.
  41. ↑ "Good Will Hunting Reviews, Ratings, Credits, and More at Metacritic". Metacritic. CBS Interactive. Geargiveer vanaf die oorspronklike op 19 September 2020. Besoek op 11 Julie 2020.
  42. ↑ Ebert, Roger (25 Desember 1997). "Good Will Hunting Movie Review (1997)". Chicago Sun-Times. Geargiveer vanaf die oorspronklike op 2 Augustus 2013. Besoek op 1 September 2013.
  43. ↑ Byrge, Duane (1 Desember 1991). "'Good Will Hunting': THR's 1997 Review". The Hollywood Reporter (in Engels). Besoek op 28 April 2020.
  44. ↑ Gleiberman, Owen (5 Desember 1997). "Good Will Hunting". EW.com (in Engels). Geargiveer vanaf die oorspronklike op 4 April 2020. Besoek op 28 April 2020.
  45. ↑ Maslin, Janet (5 Desember 1997). "FILM REVIEW; Logarithms and Biorhythms Test a Young Janitor". The New York Times (in American English). ISSN 0362-4331. Geargiveer vanaf die oorspronklike op 2 April 2020. Besoek op 28 April 2020.
  46. ↑ O'Hehir, Andrew (6 Desember 1997). "Good Will Hunting". Salon (in Engels). Geargiveer vanaf die oorspronklike op 5 Augustus 2020. Besoek op 28 April 2020.
  47. ↑ Pierce, Nev (6 Desember 2001). "BBC – Films – review – Good Will Hunting". www.bbc.co.uk. Geargiveer vanaf die oorspronklike op 17 Februarie 2020. Besoek op 28 April 2020.
  48. ↑ "The 70th Academy Awards (1998) Nominees and Winners". Academy of Motion Picture Arts and Sciences. Geargiveer vanaf die oorspronklike op 28 September 2025. Besoek op 19 November 2011.
  49. ↑ Graham, Renee (11 Februarie 1998). "Matt Damon's Hollywood Fantasy Come True". Boston. Geargiveer vanaf die oorspronklike op 27 Desember 2014. Besoek op 15 November 2025.
  50. ↑ "The 3rd Critics' Choice Awards Winners and Nominees". Broadcast Film Critics Association. Geargiveer vanaf die oorspronklike op 12 Desember 2008. Besoek op 7 Januarie 2014.
  51. ↑ "The 4th Annual Screen Actors Guild Awards". Screen Actors Guild. Geargiveer vanaf die oorspronklike op 1 November 2011. Besoek op 21 Mei 2016.
  52. ↑ Swart, Sharon (6 Desember 1998). "Benigni, Dreamlife Top Euro Film Kudos". Variety. Geargiveer vanaf die oorspronklike op 21 Oktober 2019. Besoek op 23 November 2025.
  53. 1 2 Welkos, Robert (2 April 2000). "From the Archives: William Goldman Knows They Don't Know". Los Angeles Times. Geargiveer vanaf die oorspronklike op 18 November 2018. Besoek op 13 November 2025.
  54. ↑ Weber, Bruce (12 Augustus 2003). "Theater Review; Bad Will Hunting, Armed With Venom Darts". The New York Times. Geargiveer vanaf die oorspronklike op 23 Oktober 2010. Besoek op 23 November 2025.

Skakels

[wysig | wysig bron]
Ontsluit van "https://af.wikipedia.org/w/index.php?title=Good_Will_Hunting&oldid=2863940"