Groenmamba

in Wikipedia, die vrye ensiklopedie

Groenmamba
Eastern Green Mamba 02.jpg
Wetenskaplike klassifikasie
Koninkryk:
Filum:
Subfilum:
Klas:
Orde:
Suborde:
Familie:
Genus:
Spesie:
D. angusticeps
Binomiale naam
Dendroaspis angusticeps
(A. Smith, 1849)[1]
D-angusticeps-range.png
Dendroaspis angusticeps range

Die Groenmamba (Dendroaspis angusticeps) is 'n slang wat in die kusstreke van Suider-Oos-Afrika voorkom. Die slang leef in bome en word dikwels vir 'n boomslang aangesien. In Suid-Afrika kom hulle veral in KwaZulu-Natal voor.

Voorkoms[wysig | wysig bron]

Die jong slange is blougroen en volwasse slange is heldergroen met 'n ligter pens. Die slang word 1,8–2,5 m lank. Hierdie mamba is kleiner, skuwer en minder aggressief as die swartmamba.

Die kleur van die volwasse slang wissel van heldergroen tot geelgroen, terwyl jong diere blouerig-groen is. Sy gif is nie heeltemal so gevaarlik soos dié van die swartmamba nie en hy is minder geneig om aan te val. Groenmambas is feitlik uitsluitend boomlewend en word selde buite dig beboste, klam gebiede aangetref. Sy prooi bestaan uit voëls, klein boomlewende diere en eiers.

Die wyfie lê haar eiers in hol boomstamme of op die grond tussen blare en gras. In Wes-Afrika word 2 ander mambaspesies aangetref, naamlik Jameson se mamba (Dendroaspis jamesonii) en die westelike groenmamba (Dendroaspis viridis). Eersgenoemde is olyfgroen of swarterig en laasgenoemde groen-en-geel gespikkel. Albei is boomlewend en kom hoofsaaklik in woude voor.

Gif[wysig | wysig bron]

Twee parende groenmambas (in aanhouding)

Die gif is senuvergiftend. Die slagoffer moet onmiddellik behandel word anders sterf hy weens verlamming en versmoring. 'n Teengif is beskikbaar.

Sien ook[wysig | wysig bron]

Bron[wysig | wysig bron]

Verwysings[wysig | wysig bron]

  1. Reptile Database. www.reptile-database.org.