Groot-Winterhoekberge (Oos-Kaap)
| Groot-Winterhoekberge | |
|---|---|
 Omgewing van Groot-Winterhoekberge (net bo beeldmidde) op 'n Nasa-satellietfoto van 2019 | |
| Ligging | Oos-Kaap, Suid-Afrika |
| Hoogte | 1758 m (Cockscomb) meter bo seevlak |
| Reeks | Kaapse Plooigordel |
| Koördinate | 33°34′15″S 24°47′05″O / 33.57083°S 24.78472°O |
Die Groot-Winterhoekberge is 'n bergreeks van ongeveer 80 km wat in 'n amper oos-wes rigting strek, net noord vanaf Uitenhage tot waar die Baviaanskloofberge ophou. Die hoogste pieke in die reeks is die Cockscomb (1 768 m) en Tierhoekberg (1 408 m).[1] Die KwaZunga- en Elandsriviere loop suid van die berg, en aan die westepunt word dit deur die Grootrivier van die Bloukoprante en Baviaanskloofberge geskei.
Gelyknamige berg
[wysig | wysig bron]Noord van Tulbagh is daar ook die Wes-Kaapse Groot-Winterhoekberge, en reg noordwaarts in die Kamdeboo is die Klein-Winterhoekberge. Hierdie berg moet ook nie met die Winterberge, verder noord in die Oos-Kaap, verwar word nie. Dié lê noord van die klein dorpies Bedford, Adelaide en Fort Beaufort.
