Groot Moskee van Taza

in Wikipedia, die vrye ensiklopedie
Jump to navigation Jump to search
Groot Moskee van Taza
Taza (Übersicht).jpg
Ligging  Taza, Marokko
Voltooi  1172
Status  Aktief
Spesifikasies 
Minaret(te)  1
Styl  Almohadies

Die Groot Moskee van Taza (Jamaa El-Kbir) is ’n moskee in Taza, Marokko. Dit is naby die Bab er-Rih ("Poort van die Winde") geleë.

Geskiedenis[wysig | wysig bron]

Die Groot Moskee van Taza is in die tydperk ná 1142 deur sultan Abd al-Mu'min laat bou. Volgens die Kitab el Istibsar is die mure in 1172 voltooi. Die moskee is in 1292-1293 tydens die bewind van die Marinidiese dinastie vergroot. Die ou kieblamuur en die mihrab is afgebreek en die nuwe konstruksie het ’n koepel gekry.

Die gebou is een van die oudste oorblywende voorbeelde van die Almohadiese argitektuur. Dit is ook onder die publiek bekend vir sy groot kandelaar wat meer as 3 ton weeg.

Argitektuur[wysig | wysig bron]

Die buitemure van die moskee, wat vroeër uit drie rigtings toeganklik was, is gebou volgens die stampgrond-tegnologie van die Berbers in die suide van Marokko. In teenstelling daarmee is die minaret van gebreekte klippe en bakstene gebou; dit staan in die noordwestehoek van die moskee. Bo-op is ’n lantern, soos wat die gebruik in Marokko was sedert die Almohadiese tydperk – ’n argitektoniese eienskap wat geskoei is op die antieke vuurtoring van Alexandrië.

Die moskee en minaret is nou wit en grootliks onversier.

Bronne[wysig | wysig bron]

  • Sanctuaires et fortresses almohades / H. Basset en Henri Terrasse, Collection "Hespéris" ; no 5, Parys, 1932
  • Journal électronique tazacity / Adil Fahmi - Tazacity

Eksterne skakels[wysig | wysig bron]

Koördinate: 34°12′45.53″N 4°01′07.34″W / 34.2126472°N 4.0187056°W / 34.2126472; -4.0187056