Grosse Scheidegg
Die Grosse Scheidegg is 'n bergpas in die Berner Alpe van Switserland, Die pas kruis die kol (laagtepunt tussen twee pieke) tussen die Schwarzhorn- en die Wetterhornberge op 'n hoogte van 1 962 metres (6 437 ft).[1]
Die pas bestaan uit 'n pad wat die dorp Meiringen, op 'n hoogte van 595 meter (1952 voet), met die dorpie Grindelwald, op 'n hoogte van 1034 meter (3392 voet), verbind. Die pad is gesluit vir die meeste verkeer, maar word gebruik deur 'n PostBus Switserland -diens vanaf Grindelwald tot by die kruin van die pas, met sommige busse wat na Meiringen voortgaan. Busdienste werk tussen Mei en Oktober, met tussen vier en tien busse per dag, afhangend van die tyd van die jaar en die gedeelte van die roete. Stap oor die pas is 'n gewilde aktiwiteit, en dit vorm deel van die langlauf Alpe Pas-roete tussen Sargans en Montreux.[2][3]
Van die Meiringen-kant af loop die aankoms tot die pas deur die vallei van die Reichenbach-stroom bokant die Reichenbach-waterval, veral bekend as die plek van die laaste geveg tussen Holmes en Moriarty. Die watervalle kan vanaf die paspad besoek word, of deur die Reichenbachfall-kabelbaan vanaf die vallei se bodem te benut.[4]
Die Berghotel, 'n restaurant en hotel, is op die kruin van die Grosse Scheidegg geleë.[5]
Voor die koms van die spoorweë en die bekendstelling van toerisme in die omringende gebied, het die Grosse Scheidegg toegang verskaf tot die belangrike uitvoerroete na Italië oor die Grimselpas vir plaaslike vee- en melkboere. Met die koms van die spoorweë het die belangrikheid van die pas as handelsroete verdwyn. Die pas het nooit die vlak van toeristebesoekers bereik wat deur sy buurman, die Kleine Scheidegg, bereik is nie.[6]
Sien ook
[wysig | wysig bron]- Lys van die hoogste geplaveide paaie in Switserland
- Lys van hoogste padpasse in Switserland
- Lys van bergpasse in Switserland
Verwysings
[wysig | wysig bron]- ↑ Grosse Scheidegg: https://grindelwald.swiss/en/map/detail/grosse-scheidegg-2b6bb8dd-325a-4f43-acce-b1f776723167.html
- ↑ "Grindelwald–Grosse Scheidegg–Schwarzwaldalp–(Meiringen)" (PDF). Bundesamt für Verkehr. Besoek op 18 Mei 2015.
- ↑ Reynolds, Kev (2011). "Trek 10 - Alpine Pass Route". Trekking in the Alps. Cicerone. pp. 124–135. ISBN 978 1 85284 600 8.
- ↑ Reichenbach Falls funicular
- ↑ "Berghotel Grosse Scheidegg". Berghotel Grosse Scheidegg. Besoek op 18 Mei 2015.
- ↑ "Scheidegg, Grosse und Kleine". Historical Dictionary of Switzerland (in German). 7 Desember 2011. Besoek op 18 Mei 2015.
{{cite web}}: AS1-onderhoud: onerkende taal (link)
Eksterne skakels
[wysig | wysig bron]
Wikimedia Commons het meer media in die kategorie Grosse Scheidegg Pass.- Grosse Scheidegg op die Climb By Bike web site
- Grosse Scheidegg op die Via Alpina web site
- Grosse Scheidegg op die Hikr web site
| Internasionaal | |
|---|---|
| Ander | |
