Guanche-mummies van Necochea

in Wikipedia, die vrye ensiklopedie
(Aangestuur vanaf Guanche mummie van Necochea)
Jump to navigation Jump to search
Vroulike mummie.
Manlike mummie.

Die Guanche-mummies van Necochea is twee Guanche-mummies van ou inwoners van die Kanariese Eilande in Spanje wat uitgestal word in die Museo de la Naturaleza y el Hombre in Santa Cruz de Tenerife.

Hulle word so genoem omdat hulle tot in 2003 bewaar is in Necochea, Argentinië.[1] Die twee individue is onderskeidelik manlik en vroulik. Die vrou was tussen 20 en 24 jaar toe sy dood is en is in varkvel toegedraai. Volgens kenners dateer die mummies van die 9de eeu.

Die presiese plek op die eiland Tenerife waar hulle vandaan kom, is onbekend. Daar word geglo een kan selfs uit 'n begrafnisgrot in die Barranco de Guayonje in Tacoronte kom en die ander een van La Orotava, maar volgens ander kan hulle uit Barranco de Herques in Güímar kom. Hulle was deel van die versameling van 'n private museum in Tacoronte. In die 19de eeu is hulle aan die La Plata-museum in Argentinië verkoop deur 'n onbekende versamelaar. Hulle is later na Necochea geneem, van waar hulle in 2003 teruggestuur is na Tenerife.[2]

Verwysings[wysig | wysig bron]