Gutiërs

in Wikipedia, die vrye ensiklopedie
(Aangestuur vanaf Gutium)
Jump to navigation Jump to search

Die Gutiërs of Guti was ’n stam van die noordelike en sentrale Zagrosgebergte wat Suid-Mesopotamië oorgeneem het toe die Akkadiese Ryk in omstreeks 2154 v.C. tot ’n val gekom het.

Sumeriese bronne beeld die Gutiërs uit as ’n barbaarse volk van Gutium of Qutium in die bergstreek, vermoedelik die sentrale gebied van Zagros oos van Babilon en noord van Elam. Gutium word ook genoem as ’n plek in die hedendaagse Irak.[1] Die Sumeriese Koningslys noem dat hulle vir ’n kort ruk oor Sumer regeer het ná die val van die Akkadiese Ryk en skilder ’n prentjie van chaos in die Gutiese administrasie.[2]

Fietlik niks is oor hul oorsprong bekend nie omdat geen "Gutiese" artifakte uit dié tyd ontdek is nie en min bekend is uit moderne bronne.[3] Niks is oor hul taal bekend nie, buiten die name op die Sumeriese Koningslys en die feit dat dit nie verwant was aan ander tale in die streek soos Sumeries, Akkadies, Horities, Hetities en Elamities nie.

Verwysings[wysig | wysig bron]

  1. Eller, Jack David. Kurdish History and Kurdish Identity. p. 153.
  2. ETCSL – Sumeriese Koningslys
  3. Patton, Laurie L., et al. (2004) The Indo-Aryan Controversy