Gwitsja Kwaratsgelia
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
 Kwaratsgelia in 2025 | |||
| Persoonlike inligting | |||
|---|---|---|---|
| Geboortedatum | 12 Februarie 2001[1] | ||
| Geboorteplek | Tbilisi, Georgië | ||
| Lengte | 1,83 m | ||
| Speelposisie | Vleuel | ||
| Klubinligting | |||
| Huidige klub | Paris Saint-Germain | ||
| Nommer | 7 | ||
| Jeugloopbaan | |||
| 2012–2017 | Dinamo Tbilisi | ||
| Seniorloopbaan* | |||
| Jare | Span | Kere† | (Doele)† |
| 2017–2018 | Dinamo Tbilisi | 4 | (1) |
| 2018–2019 | Rustavi | 18 | (3) |
| 2019 | → Lokomotief Moskou (leen) | 7 | (1) |
| 2019–2022 | Rubin Kazan | 69 | (9) |
| 2022 | Dinamo Batumi | 11 | (8) |
| 2022–2025 | Napoli | 85 | (28) |
| 2025– | Paris Saint-Germain | 14 | (4) |
| Nasionale span‡ | |||
| 2016–2018 | Georgië o/17 | 28 | (15) |
| 2018 | Georgië o/18 | 1 | (1) |
| 2017–2019 | Georgië o/19 | 9 | (3) |
| 2019 | Georgië o/21 | 2 | (1) |
| 2019– | Georgië | 41 | (18) |
| * Kere vir seniorklub uitgedraf en doele is net vir die plaaslike liga. en korrek soos op 20:51, 17 Mei 2025 (UTC). † Kere uitgedraf (Doele). | |||
Gwitsja Kwaratsgelia (Georgies: ხვიჩა კვარაცხელია; gebore 12 Februarie 2001) is ’n Georgiese professionele sokkerspeler wat as ’n vleuel vir die Ligue 1-klub Paris Saint-Germain en die Georgiese nasionale span speel. Hy word beskou as een van die beste vleuels in die wêreld en is bekend vir sy dribbelwerk, ratsheid en spelverdeling.[2][3][4]
Kwaratsgelia het sy senior loopbaan op 16-jarige ouderdom by Dinamo Tbilisi begin, voordat hy na Rustavi vertrek het, waar hy ’n halwe seisoen deurgebring het. Gedurende sy gesamentlike drie jaar by Lokomotiv Moskou en Rubin Kazan, het Kwaratsgelia twee agtereenvolgende toekennings gewen as Beste Jong Speler in die Russiese Sokkerkampioenskap.[5] Ná ’n kort tydperk by Dinamo Batumi, het Kwaratsgelia in 2022 by Napoli aangesluit. In sy debuutseisoen het hy die klub gehelp om vir die eerste keer ooit die kwarteindronde van die UEFA Champions League te bereik, en om hul eerste Serie A-titel in 33 jaar te wen. Hy het die liga se voorste hulpverskaffer geword. Hiervoor is hy aangewys as Serie A se Mees Waardevolle Speler en die Champions League se Jong Speler van die Seisoen.
Ná twee-en-’n-half jaar by Napoli het hy in Januarie 2025 vir €70 miljoen by die Franse klub Paris Saint-Germain aangesluit, met ’n kontrak tot Junie 2029, waar hy drie trofeë in sy eerste seisoen by die klub gewen het.[6]
Kwaratsgelia word wyd beskou as die grootste Georgiese sokkerspeler van alle tye. Hy het homself gevestig in al Georgië se nasionale jeugspanne en ’n sleutelrol onder verskeie afrigters gespeel. Daarna het hy ’n belangrike deel van die seniorspan geword ná sy debuut in 2019, en het Georgië gehelp om vir die Europese kampioenskap in 2024 te kwalifiseer — die land se eerste groot internasionale toernooi ooit.[7][8] Hy het ’n doelpunt aangeteken in die 2-0 oorwinning oor Portugal, wat daartoe gelei het dat Georgië onverwags na die rondte van 16 gevorder het.[9]
Op 31 Mei 2025 het hy die vierde doel aangeteken in PSG se historiese 5-0 oorwinning oor Inter Milaan in die Champions League-eindstryd.[10]
Verwysings
[wysig | wysig bron]- ↑ UEFA.com. "Khvicha Kvaratskhelia | Georgia". UEFA (in Engels). Besoek op 21 Maart 2024.
- ↑ Morse, Ben (1 November 2022). "Khvicha Kvaratskhelia: Napoli's Georgian sensation billed 'Kvaradona'". CNN. Besoek op 19 Augustus 2023.
- ↑ "Khvicha Kvaratskhelia among the best players of the year at Ballon d'Or Awards". 31 Oktober 2023.
- ↑ Christenson, Marcus; Duncan, Pamela; Bloor, Steven; Blight, Garry (20 Desember 2024). "The 100 best male footballers in the world 2024". The Guardian (in British English). ISSN 0261-3077. Besoek op 11 Mei 2025.
- ↑ "კვარაცხელიას სუპერგოლი იტალიაში სეზონის საუკეთესოდ დაასახელეს" [Kvaratskhelia se superdoel aangewys as beste van die seisoen in Italië]. europop (in Georgies). Europop.ge. 23 Junie 2023. Geargiveer vanaf die oorspronklike op 2 Oktober 2023. Besoek op 23 Junie 2023.
- ↑ "Why Paris Saint-Germain signed Khvicha Kvaratskhelia and didn't want anyone else". ESPN.com (in Engels). 17 Januarie 2025. Besoek op 19 Januarie 2025.
- ↑ "Kvaradona! Meet Khvicha Kvaratskhelia, the new Napoli star who is gunning for Liverpool in the Champions League". Goal.com. 7 September 2022. Besoek op 16 September 2023.
- ↑ "Kaladze reveals three favourite Milan memories and weighs in on Leao vs. Kvaratskhelia debate". SempreMilan. 7 April 2023. Besoek op 16 September 2023.
- ↑ "UEFA European Championship - Group Stage - Group F". BBC Sport. 26 Junie 2024. Besoek op 1 Junie 2025.
- ↑ "Khvicha Kvaratskhelia Makes Goalscoring History in Champions League Final". Sports Illustrated. 31 Mei 2025. Besoek op 1 Junie 2025.
