Haaskos

Haaskos
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Orde:	Caryophyllales
Familie:	Anacampserotaceae
Genus:	Anacampseros
Spesie:	A. lanceolata
Binomiale naam
	Anacampseros lanceolata; (Haw.) Sweet, (1826)
Sinonieme
	Anacampseros angustifolia (Haw.) Sweet; Anacampseros lanceolata var. albiflora Poelln.; Portulaca trigona Thunb.; Portulaca lanceolata Haw.; Ruelingia angustifolia Haw.; Ruelingia lanceolata (Haw.) Haw.; Talinum lanceolatum (Haw.) Link;

Haaskos (Anacampseros lanceolata (Haw.) Sweet) is 'n vetplantjie wat endemies is aan die westelike dele van Suid-Afrika. Dit word ook boesmansuring genoem, maar hierdie naam word gewoonlik vir die naverwante A. rufescens gebruik.^[1] Die plant is as veilig gelys op die SANBI-rooilys.

Verspreiding

Die spesie het 'n uitgestrekte (maar smal) verspreiding in die westelike dele van Suid-Afrika, van die grens met Namibië (die Richtersveld), deur die Namakwaland en westelike Groot Karoo, af tot by die Worcester-area in die Robertson Karoo en van Bredasdorp tot by Uniondale.^[2]

Identifikasie

Die plantjie het 'n vertakte stam wat 8 cm lank kan word en tot 5 cm breed. Dit groei in rosetvorm en vorm klompe of grondbedekkende matte. Die plant het dik lansvormige blare wat 2,5 cm lank word met wit veselagtige hare daartussen. Die blomme is pienk-perserig.^[3]

Sy sukkulensie-indeks is uiters hoog: 53,27.

Galery

Verwysings

↑ "SANBI-rooilys". Geargiveer vanaf die oorspronklike op 30 April 2020. Besoek op 4 September 2021.
↑ Succulent Flora of Southern Africa, Doreen Court,CRC Press, 2000, ISBN 9058093239, ISBN 9789058093233, bls. 47
↑ "llifle.com".

Eksterne skakels

Wikiwoordeboek het 'n inskrywing vir haaskos.

[1] "SANBI-rooilys". Geargiveer vanaf die oorspronklike op 30 April 2020. Besoek op 4 September 2021.

[2] Succulent Flora of Southern Africa, Doreen Court,CRC Press, 2000, ISBN 9058093239, ISBN 9789058093233, bls. 47

[3] "llifle.com".

[1]

[2]

[3]