Halton Arp
Halton Christian "Chip" Arp (21 Maart 1927 - 28 Desember 2013) was 'n Amerikaanse sterrekundige. Hy was veral bekend vir sy boek Atlas of Peculiar Galaxies van 1966 waarin hy sterrestelsels met 'n ongewone voorkoms gekatalogiseer en gewys het hoe hulle lyk.
Arp was ook bekend daarvoor dat hy die Oerknalteorie gekritiseer het en vir sy idees oor rooiverskuiwing. Hy het dié sienings uiteengesit in sy boek Seeing Red: Redshift, Cosmology and Academic Science van 1998.[1]
Atlas of Peculiar Galaxies
[wysig | wysig bron]
Arp het 'n katalogus van ongewone sterrestelsels saamgestel onder die naam Atlas of Peculiar Galaxies, wat in 1966 die eerste keer gepubliseer is.[3][4] Arp se motivering vir die projek was sy besef dat sterrekundiges min verstaan oor hoe sterrestelsels mettertyd verander. Hy het bedoel om foto's in die atlas te publiseer wat data sou verskaf waarmee sterrekundiges die evolusie van sterretselsels kon bestudeer.
Sterrekundiges beskou Arp se atlas deesdae as 'n uitstekende samestelling van interaktiewe en saamsmeltende sterrestelsels, en sommige verafgeleë stelsels wat lukraak oplyn sonder dat hulle iets met mekaar te doen het. Baie voorwerpe in die atlas word hoofsaaklik op hulle Arp-nommers genoem. Sommige, veral Arp 220, word gebruik as spektrale template vir die bestudering van stelsels met 'n rooiverskuiwing. Arp self het die idee verwerp dat die spesifieke stelsels aan die saamsmelt is en het beweer die oënskynlike assosiasies is uitstekende voorbeelde van uitwerping uit 'n gasheerstelsel.[1]
Verwysings
[wysig | wysig bron]- 1 2 Halton Arp, Seeing Red: Redshift, Cosmology and Academic Science, Montreal: Aperion (1998), pp. 14, 61–62, 72, 104–105 ISBN 0-9683689-0-5
- ↑ "The polar ring of Arp 230". Besoek op 25 Junie 2015.
- ↑ H. Arp (1966). "Atlas of Peculiar Galaxies". Astrophysical Journal Supplement. 14: 1. Bibcode:1966ApJS...14....1A. doi:10.1086/190147.
- ↑ H. Arp (1966). "Atlas of Peculiar Galaxies", California Institute of Technology, Pasadena, Kalifornië (aanlyn weergawe)
Skakels
[wysig | wysig bron]
Wikimedia Commons het meer media in die kategorie Halton Arp.
Hierdie artikel is in sy geheel of gedeeltelik uit die Engelse Wikipedia vertaal.
