Hamburger

in Wikipedia, die vrye ensiklopedie
'n Sappige spek-en-kaasburger.
'n Reusagtige kaasburger met aartappelskyfies.

'n Hamburger (ook soms net 'n burger of hammie deur die kinders genoem) is 'n broodjie met een of meer gaar flappies maalvleis, gewoonlik beesvleis, geplaas binne 'n oopgesnyde "bun". Hamburgers bevat dikwels blaarslaai, tamatie, uie, agurkies, kaas en speserye soos mosterd, mayonnaise en tamatiesous, en word algemeen met slaptjips bedien.

Bedieningsvorme[wysig | wysig bron]

Die bestanddele wat in hamburgers gebruik word, verskil op dieselfde wyse as wat die verskeidenheid soorte hamburgers van plek tot plek verskil.

Gewilde vulsels sluit spek, avokado of guacamole, gekerfde pangebraaide sampioene, kaassous en/of rissiesous in. Aan die meer skamele kant word gebakte eier, roereier, salsa, pynappel, jalapeno’s, verskeidenheid rissies, ansjovis, stukkies ham, peperwortel, suurkool, gerookte of teriyaki-gekruide beesvleis en tartaarse sous gebruik.

’n Hamburger kan meer as een vleisflappie hê. ’n Tweestapel word ’n dubbelburger genoem; ’n trippel/driedubbele burger beskik oor drie vleisflappies.[1][2]

Sien ook[wysig | wysig bron]

Verwysings[wysig | wysig bron]

  1. "In-N-Out Burgers: With an emphasis on quality, this fast feeder shows its rare appeal. (Regional Powerhouse Chains)". "Nation's Restaurant News". 28 Januarie 2002.
  2. Hall, David (24 Oktober 2006). Society's fast food intake reeks. DailySkiff.com. URL besoek op 13 Februarie 2010.