Hannover CL.II

in Wikipedia, die vrye ensiklopedie
Hannover CL.II
Tipe Vegvliegtuig
Vervaardiger Hannoversche Waggonfabrik
Ontwerp deur Hermann Dorner
Nooiensvlug 1917
Hoofgebruiker Duitse Lugmag
Aantal gebou 439
Weergawes Hannover CL.III

Die Hannover CL.II is 'n Duitse dubbeldekker, tweesitplek vegvliegtuig wat as 'n veeldoelige vliegtuig gebruik was tydens die Eerste Wêreldoorlog.

Vroeg in 1917 het die Duitse Lugministrie 'n spesifikasie uitgereik vir 'n nuwe kategorie vliegtuig: die CL kategorie. Dit spesifiseer 'n tweesitplek vliegtuig wat nie meer as 750 kg mag weeg nie. Die eerste prototipe deur Hannoversche Waggonfabrik ontwikkel was vir 'n ontwerp deur Hermann Dorner wat die CL.II genoem is. Die ontwerp was vir 'n klein, kompakte dubbeldekker met 'n 180 perdekrag Argus As.III motor. Die stertvin en hoogteroer was 'n unieke ontwerp: die hoogteroer het twee vlerke gehad. Die produksie modelle se onderste vlerk het groter dihedrale hoek (dit is die hoek van die vlerk met romp) gehad en die boonste gedeelte van die stertvin was meer gerond.

Daar was 439 CL.II's vervaardig; dit is onseker of die CL.II's vervaardig deur L.F.G. hierby ingereken is. Hulle was die CL.IIa genoem. Die CL.II's is in Desember 1917 in diens gestel. Hulle was toegerus met een Spandau masjiengeweer, voor in die middel en ook 'n Parabellum masjiengeweer op 'n ring wat die verkenner kon gebruik. Omrede die boonste vlerk na aan die romp was het die vlieënier uitstekende sig gehad. Die unieke rigtingroer konfigurasie het aan die verkenner 'n beter as normale lyn van vuur gegee.

Die Hannover CL.III het die Hannover CL.II opgevolg.

Sien ook[wysig | wysig bron]

Bron[wysig | wysig bron]