Hans Herrmann
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Hans Herrmann is 'n sakeman en nyweraar van Saldanha aan die Kaapse Weskus.
Herrmann het in 1968 uit Duitsland na Suid-Afrika geëmigreer op soek na 'n beter lewe, omdat die vooruitsigte vir hom as ambagsman in Duitsland nie rooskleurig geluk het nie. Sy eerste werk was die regmaak van padboumasjienerie wat gebruik is vir die teer van die pad tussen Carnarvon en Williston in die noordwestelike Karoo. Daarna verhuis hy in April 1970 na Saldanha waar hy 'n vennootskap met drie vennote begin vir die herstel van meesal vissersbote se meganika.
In 1992 breek Herrmann weg van die vennootskap en stig Hansing Engineering, eers as beslote korporasie, maar meer onlangs as maatskappy.
Herrmann se groot passie is die opleiding van die jeug as ambagslui. Hy het reeds in die vroeë jare sewentig gekleurde leerlinge onder sy vleuel geneem, ondanks apartheidswetgewing wat dit verbied het. Sowat drie jaar gelede het hy opleiding onder die beskerming van Merseta, die sektorale opleidingsowerheid vir die meganiese en ingenieursbedryf, begin.
Herrmann is die grootste enkele befondser van opposisiepartye in die munisipale gebied Saldanhabaai, hoewel hy reeds sedert 1997 'n ingeskrewe lid van die Volkstaatbeweging is. Op 'n besoek aan Orania het hy die behoefte aan 'n eerste-wêreldse ingenieurswerkswinkel gesien en toe aangebied om 'n inwoner van die Volkstaatdorpie op Saldanha op te lei om die taak waar te neem.
Bronne[wysig | wysig bron]
- Swartland en Weskus Herald, 7 Junie 2007, bl. 14.