Hans Zanotelli
Hans Zanotelli (23 Augustus 1927 – 12 Julie 1993) was 'n Duitse dirigent.
Lewe[wysig | wysig bron]
Zanotelli is gebore in Cronenberg, tans deel van die stad Wuppertal,[1] Zanotelli het die viool en klavier as kind leer speel. Hy het van 1942 tot 1944 musiek studeer aan die Musikhochschule Köln, en klasse ontvang in dirigeer onder Hans Swarowsky.[1]
Zanotelli het sy loopbaan as 'n répétiteur by die Remscheid-Solingen teaters begin. Teen 14-jarige leeftyd het hy Kapellmeister in Düsseldorf geword, waarna hy aanbeweeg het na die Oper Bonn en Hamburgische Staatsoper.[1] In 1957 is hy aangestel as Generalmusikdirektor by die Staatstheater Darmstadt. Hy was op daardie tydstip die jongste algemene musiekdirekteur in Duitsland. In 1963 het hy aanbeweeg na die Theater Augsburg as algemene musiekdirekteur en adjunk-artistieke direkteur. In 1971 het Zanotelli hoofdirigent van die Stuttgarter Philharmoniker geword, en in 1975 is hy bevorder tot algemene musiekdirekteur.[1] Hy het die betrekking tot 1984 beklee.[2] Hy het ook aan die leiding gestaan van die Deutsche Oper Berlin en Beiere Staatsopera.[1]
In 1966 en 1967 was hy gasdirigent van die Niedersächsisches Symphonie-Orchester in Hannover. In 1977 is Zanotelli aangestel as professor, en in 1984 het hy die Bundesverdienstkreuz ontvang.[1] Hy was van 1985 algemene musiekdirekteur van Kiel, en het aan die hoof gestaan van die Opernhaus Kiel.[1]
Zanotelli moes in 1987 om gesondheidsredes aftree. Hy is in 1993 op 65-jarige ouderdom oorlede in Stuttgart, en is begrawe in sy tuisstad.
Opnames[wysig | wysig bron]
Zanotelli het 'n opname van uittreksels uit Mozart se Don Giovanni gedirigeer wat in Duits gesing is deur onder andere Hermann Prey, Elisabeth Grümmer en Fritz Wunderlich.[3] Hy het ook Beethoven se Klavierconcerto No. 4 in G majeur gedirigeer met die Bamberger Symphoniker (Sapphire, Intercord Klassische Diskothek INT 120.933), met Ernst Gröschel voor die klavier. Die vervaardiger Alfred Scholz het tallose klankgrepe gepubliseer onder fiktiewe name, met 'n orkes wat hy die "Süddeutsche Philharmonie" genoem het; hy het egter ook die naam "Zanotelli" gebruik. Sommige kommentators betwyfel of die opnames van die "Süddeutsche Philharmonie" werklik deur Zanotelli gedirigeer is.[4][5]
Verwysings[wysig | wysig bron]
- ↑ 1,0 1,1 1,2 1,3 1,4 1,5 1,6 Grünsteudel, Günther (4 November 2016). "Zanotelli". Stadtlexikon Augsburg (in Duits). Besoek op 27 November 2020.
- ↑ "Das Orchester// Geschichte". Stuttgarter Philharmoniker (in Duits). Besoek op 27 November 2020.
- ↑ Werner Pfister: Fritz Wunderlich: Eine Biografie Schott Music 2015 ISBN 978-3-79-578612-0
- ↑ Pseudonyms: Alfred Scholz and the South German Philharmonic
- ↑ Hans Zanotelli op muziekweb.nl
Eksterne skakels[wysig | wysig bron]
- Hans Zanotelli by AllMusic
- Hans Zanotelli Schott Music
- Michael Cookson: Great Singers Live – Lucia Popp musicweb-international.com Maart 2012
- Wolfgang Amadeus Mozart Don Giovanni – Großer Querschnitt In Deutscher Sprache musik-sammler.de
