Hans van Manen

in Wikipedia, die vrye ensiklopedie
Jump to navigation Jump to search
Hans van Manen
’n Beeld van die betrokke persoonlikheid.
Hans van Manen in 1986

Geboortenaam Hans Arthur Gerard van Manen
Gebore 11 Julie 1932 (1932-07-11) (86 jaar oud)
Nieuwer-Amstel, Nederland
Nasionaliteit Vlag van Nederland Nederland
Ouers Deenanath Mangeshkar (vader)
Shevanti Mangeshkar (moeder)
Beroep balletdanser, choreograaf en fotograaf
Eerbewyse Deutscher Tanzpreis (1993)
Erasmusprys (2000)
Musiekprys van die Stad Duisburg (2004)
Prix Benois de la Danse (2005)
Grand Pas Award (2005)
Webblad hansvanmanen.com

Hans Arthur Gerard van Manen (Nederlands: [ɦɑns ˈɑrtyr ˈɣeːrɑrt vɑn ˈmaːnən]; * 11 Julie 1932 in Nieuwer-Amstel) is 'n Nederlandse balletdanser, choreograaf en fotograaf.

In 1960 was hy een van die stigtingslede van die Nederlands Dans Theater en het tussen 1961 en 1970 as dié dans-ensemble se artistieke leier gedien. Van Manen was daarna as vryskutter werksaam en was tussen 1974 en 1987 by die Nederlandse Nasionaalballet betrokke.

Van Manen word as een van die groot vernuwers van Europese balletkuns beskou. Met sy klassisistiese danstaal, wat regstreeks uit die musiek ontwikkel is en sy voorbeeld oorspronklik in George Balanchine gevind het, het van Manen uiteindelik sy eie persoonlike styl geskep. Manlike en vroulike dansers speel 'n gelykwaardige rol in sy choreografieë.

Meer as 120 choreografieë maak deel uit van Van Manen se lewenswerk.[1] Baie van hulle het ingang gevind tot die standaardrepertoire van gesiene dans-ensembles in Europa, Kanada, die Verenigde State en Japan.[2]

Naas sy werk as choreograaf was Hans van Manen ook meer as tien jaar lank as fotograaf aktief. Van sy fotografiese werke is in boekvorm gepubliseer en op uitstallings vertoon.

Eerbewyse[wysig | wysig bron]

Van Manen se werk is met verskeie eerbewyse bekroon:

  • 1993 – Deutscher Tanzpreis (Duitse Dansprys)
  • 2000 – Erasmusprys
  • 2004 – Musiekprys van die Stad Duisburg
  • 2005 – Prix Benois de la Danse (vir sy lewenswerk) en Grand Pas Award

Verwysings[wysig | wysig bron]

Eksterne skakels[wysig | wysig bron]