Hartebeeskuildam
| Hartebeeskuildam | |
|---|---|
| Amptelike naam | Hartbeeskuildam |
| Ligging | noord van PetroSA, Mosselbaai |
| Provinsie/Land | Wes-Kaap, Suid-Afrika |
| Koördinate | 34°05′31″S 21°59′56″O / 34.09194°S 21.99889°OKoördinate: 34°05′31″S 21°59′56″O / 34.09194°S 21.99889°O |
| Dam in | Hartenbosrivier |
| Doel | Besproeiing en huishoudelik |
| Eienaar | Departement van Waterwese |
| Soort dam | Gravitasiedam |
| Hoogte van wal | 27 m |
| Reservoir | Hartbeeskuildam |
| Kapasiteit | 7 000 000 m³ |
Die Hartebeeskuildam (Hartbeeskuildam, volgens inligtingsborde op die terrein) in die Hartenbosrivier by Mosselbaai het wat voorsiening van water betref grotendeels in onbruik verval.
Die dam is in 1969 in gebruik geneem, die wal is 27 m hoog en het toe ‘n bakmaat van net minder as 7 miljoen m³ gehad. Tans is die maksimum volume aldus die Departement van Waterwese slegs 7 152 kubieke meter. Dit lê aan die voetheuwels van die Outeniquaberge, tussen die R327-pad na Herbertsdale en die R328-pad via Brandwag en die Robinsonpas na Oudtshoorn, noord van PetroSA en by 34° 5′ 31″ suid en 21° 59′ 56″ oos.
Die water word nog in periodes van ernstige droogte vir nywerheidsgebruik aangewend. Vir menslike gebruik is dit te brak. Die dam is baie gewild by hengelaars en bergfietsryers gebruik die grondpaaie in die omgewing.