Hattoesili III
| Hattoesili III | |
|---|---|
| Koning van die Hetiete | |
.jpg) Rotsreliëf van Hattoesili III.
| |
| Bewind | c. 1275-'45 v.C. (middelchronologie) |
| Voorganger | Moersili III |
| Opvolger | Toedhalija IV |
| Ouers | Moersili II Gassoelawija |
| Gade | Poedoehepa |
| Kinders | Toedhalija IV Maathorneferoere Kiloes-Hepa |
Hattoesili III was omstreeks 1275-'45 v.C. koning van die Hetitiese Ryk.[1]. Hy het sy broerskind Moersili III opgevolg.
Baie van wat van die kinderjare van Hattoesili III bekend is, is verkry van 'n biografiese verslag wat bekend is as Die Apologie.[1] Hy was die jongste van vier kinders van koning Moersili II en koningin Gassoelawija. Volgens Hattoesili self was hy 'n sieklike kind wat vermoedelik nie 'n volwasse ouderdom sou bereik nie.[2] Hy het die godin Isjtar die eer daarvoor gegee dat sy sy lewe in dié tyd gespaar het, en het vir altyd 'n getroue aanhanger van haar gebly.[1][3]
Voordat hy koning geword het, het Hattoesili met Poedoehepa, 'n priesteres van Isjtar, getrou. Sy het later uit eie reg 'n belangrike Hetitiese koningin geword.[4][5] By haar het hy drie kinders gehad, onder andere sy opvolger, Toedhalija IV.
Bewind
[wysig | wysig bron]
Ná die dood van Moewatalli II het sy seun Moersili III koning geword. Sy oom Hattoesili het hom aanvanklik ondersteun, maar Moersili het die hoofstad teruggeskuif van Tarhoentassa na die oorspronklike Hattoessa. Hattoesili se gebiede Hapkis en Nerik en al sy mag is ook van hom weggeneem, en Hattoesili het besluit om die troon oor te neem.
Nadat hy Moersili III van die troon gesit het, het hy hom na Sirië verban.[3][1] Hy het Moewattalli II se ander seun, Koeroenta, aangestel as onderkoning van Tarhoentassa.[3]
Nadat hy koning geword het, het Hattoesili begin korrespondeer met farao Ramses II van Egipte.[6] Dit het gelei tot die eerste aangetekende vredesverdrag, die Ewige Verdrag of Verdrag van Kadesj.[3]
Hattoesili III se bewind is merkwaardig vanweë die groot versameling briewe en geskrewe bronne uit dié tydperk wat ontdek is. Dié bronne, insluitende Die Apologie, die Tawagalawa-brief en die Arzawa-briewe, word beskou as van die baie min primêre bronne uit die Hetitiese Ryk van dié tyd.
Verwysings
[wysig | wysig bron]- ↑ 1,0 1,1 1,2 1,3 Kuhrt, Amélie (2020). The Ancient Near East: c.3000–330 BC, Volume One (in Engels). Routledge. p. 230. ISBN 978-1-136-75548-4.
- ↑ "British Museum - Bryce". www.thebritishmuseum.ac.uk. Besoek op 2 Mei 2018.
- ↑ 3,0 3,1 3,2 3,3 Brycee, Trevor (1998). The Kingdom of the Hittites. Oxford University Press. ISBN 978-0-19-924010-4., pp.xiii-xiv
- ↑ Darga, Muhibbe. Women in the Historical Ages. In Women in Anatolia, 9000 Years of the History of the Anatolian Woman, Turkish Republic Ministry of Culture, Istanbul, 1993, p. 30.
- ↑ Letter from Ramses II of Egypt to Puduhepa, from Women in Anatolia, 9000 Years of the History of the Anatolian Woman, Turkish Republic Ministry of Culture, Istanbul, 1993.
- ↑ A., Hoffner, Harry (2009). Letters from the Hittite Kingdom. Beckman, Gary M. Atlanta, GA: Society of Biblical Literature. ISBN 9781589834149. OCLC 587445921.
{{cite book}}: AS1-onderhoud: meer as een naam (link)
Skakels
[wysig | wysig bron]- Die Apologie van Hattoesili III: Hetitiese teks en Engelse vertaling
Hierdie artikel is in sy geheel of gedeeltelik uit die Engelse Wikipedia vertaal.
