Heizelstadion-ramp
.jpg)
Die Heizelstadion-ramp (Nederlands: Heizeldrama; Frans: Drame du Heysel) het op 29 Mei 1985 by die Heizelstadion in Brussel plaasgevind, voor die 1984–85 Europese Beker-eindstryd tussen Liverpool en Juventus. 39 toeskouers, meestal Italianers, is in die ramp doodgedruk en meer as 600 mense is beseer.[1] Die ongeluk is veroorsaak deur gewelddadige onluste binne die stadion tussen Italiaanse en Engelse ondersteuners. Engelse sokkerondersteuners, bekend as hooligans, was berug daarvoor dat hulle verwoesting by en rondom sokkerwedstryde in die 1980's geskep het.[2]
Ten spyte van die lewensverlies, het UEFA besluit dat die wedstryd sou voortgaan. Juventus het die wedstryd gewen ná 'n strafdoel deur die Franse sterspeler Michel Platini.[3]
As gevolg van die ramp is Engelse klubspanne vir vyf jaar van Europese kompetisies geskors.[4] Die Heizelstadion is opgeknap, herdoop tot die Koning Boudewijnstadion (Frans: Stade Roi Baudouin) en word steeds as die tuisstadion van die Belgiese nasionale span gebruik.[5]
Verwysings
[wysig | wysig bron]- ↑ "Dag op dag 35 jaar geleden: een spoor van dood en vernieling op de Heizel". Sporza (in Nederlands). 29 Mei 2020. Besoek op 17 April 2025.
- ↑ "The time when football fans were hated". BBC News. 15 September 2012. Besoek op 18 April 2025.
- ↑ "Michel Platini celebrated winning goal on night of Heysel disaster as he usually would... Juventus' claims are false, says journalist whose father died in tragedy". Daily Mail. Besoek op 1 Junie 2015.
- ↑ "British Soccer Will Return to Continent's Fields in 1990". Los Angeles Times. 11 April 1989. Besoek op 17 April 2025.
- ↑ "Het Stadion". kingbaudouinstadium.be (in Nederlands). Besoek op 17 April 2025.