Hendrik Klopper

in Wikipedia, die vrye ensiklopedie
Jump to navigation Jump to search
Hendrik Balzazar Klopper
25 September 1903 – 30 Desember 1977 (74 jaar oud)
Hendrik Klopper

Hendrik Balzazar Klopper in Junie 1942.

Lojaliteit Vlag van Suid-Afrika Suid-Afrika
Diens/Tak Suid-Afrikaanse Weermag
Jare in diens 1924-1958
Rang Generaal

Generaal Hendrik Balzazar Klopper (ook "Balthazar"), DSO (25 September 1903 - 31 Desember 1977)[1] was 'n Suid-Afrikaanse militêre bevelvoerder. Hy was 'n generaal en bevelvoerder van die Suid-Afrikaanse Weermag van 1956 tot 1958. Hy was verantwoordelik gehou vir die val van Tobroek met die Slag van Gazala in Noord-Afrika tydens die Tweede Wêreldoorlog.

Militêre loopbaan[wysig | wysig bron]

Klopper het in 1924 by die Suid-Afrikaanse Weermag aangesluit. Gedurende die Tweede Wêreldoorlog het hy die 3de Infanterie-Brigade in die Noord-Afrikaanse Veldtog[2], aangevoer waarvoor hy met die Distinguished Service Order (DSO) beloon is.[3] Hy het toe kortliks die 2de Infanterie Divisie aangevoer.

As fortbevelvoeder is Klopper gedwing om Tobroek en sy garnisoen op 21 Junie 1942 aan Spil-magte oor te gee. Hierdie was Suid-Afrika se grootste militêre nederlaag toe hy 33 000 Gealieerde soldate (insluitende meer as 10 700 Suid-Afrikaaners) aan Duitse en Italiaanse magte na ‘n twee dae geveg om die gefortifiseerde deel van Tobroek-hawe oorgegee het.[4] Generaal Erwin Rommel het bonop 2 000 voertuie, 2 000 ton brandstof en 5 000 ton ransoene gebuit. Adolf Hitler het aan Rommel die maarskalkstaf as beloning vir hierdie oorwinning gegee. "Ek gaan aan na die Suez-kanaal" was Rommel se belofte.[5] Klopper het in 1943 as krygsgevangene ontsnap en is later amptelik vrygespreek van verantwoordelikheid vir die oorgawe van Tobroek.

Klopper was bevelvoeder van die Suid-Afrikaanse Weermagskollege van 1944 tot 1945, voordat hy in 1945 in bevel van die Noordelike Bevelstruktuur aangestel is.[6]

Klopper was vanaf 1951 tot 1953 as Leër Stafhoof, as inspekteur-generaal van 1953 tot 1956, en as bevelvoerder van die Unie se weermag van 1956 tot 1958, aangestel. Klopper het in 1958 afgetree.

Alhoewel dit nooit amptelik bevestig is nie, was Klopper in 'n historiese konfrontasie met generaal Erwin Rommel na sy oorgawe na die Slag van Tobroek. In die konfrontasie net na die oorgawe het Klopper volgens die wense van sy ondergeskikte Suid-Afrikaanse offisiere geëis dat Rommel die blanke van swart krygsgevangenisse moet skei en dat hulle in verskillende afdelings van die gevangeniskamp aangehou moet word. Rommel se antwoord was kort: "Vir my is alle soldate gelyk. Die swartes dra jou uniform, hulle het aan jou kant geveg en jy sal in dieselfde kamp aangehou word."[7]:94[8]

Verwysings[wysig | wysig bron]

  1. "KLOPPER H.B. 1903–1977". eGGSA Library. The Genealogical Society of South Africa:eGGSA Branch. 24 Februarie 2003. Besoek op 3 October 2014. 
  2. "The Generals of WWII: Klopper, Hendrik Balzazer". generals.dk. Besoek op 3 Oktober 2014. 
  3. "The London Gazette, Issue 35697, page 3948". The Gazette. The London Gazette. 8 September 1942. Besoek op 3 Oktober 2014. 
  4. "IOL, Jackie Loods, The price of surrender: SA's defeat at Tobruk". IOL. 3 Augustus 2017. Besoek op 14 Januarie 2019. 
  5. Television Networks "History Channel, Allies surrender at Tobruk, Libya" Check |url= value (help). 5 November 2009. Besoek op 14 Januarie 2019. 
  6. Uys, Ian (1992). South African Military Who's Who 1452–1992. Fortress Publishers. ISBN 0-9583173-3-X. 
  7. (1982) “LEIERS DEUR DIE JARE (1912–1982)” (in Afrikaans) (Online). Scientia Militaria – South African Journal of Military Studies 12 (2): 89–98. doi:10.5787/12-2-631. Besoek op 2 January 2015.
  8. Englebrecht, Leon (10 November 2008). "Fact file: Chiefs of the SA Army". DefenceWeb.co.za. DefenceWeb. Besoek op 3 October 2014. 
Hierdie artikel is in sy geheel of gedeeltelik vanuit die Engelse Wikipedia vertaal.