Henning Kraggerud

in Wikipedia, die vrye ensiklopedie
Jump to navigation Jump to search
Henning Kraggerud
OorsprongOslo, Noorweë
Geboorte23 Junie 1973 (1973-06-23) (46 jaar oud)
Oslo
Beroep(e)
Genre(s)Klassiek
Instrument(e)Viool, altviool
EtiketteNaxos
Portal.svg Musiekportaal

Henning Kraggerud (gebore op 23 Junie 1973) is 'n Noorweegse violis en komponis.[1]

Loopbaan[wysig | wysig bron]

Kraggerud was in Oslo gebore. Hy het onder Camilla Wicks, Emanuel Hurwitz, en Stephan Barratt-Due studeer voordat hy 'n loopbaan van stapel gestuur het wat solo verskynings ingesluit het regdeur Europa, Rusland en die Verenigde State. Hy het sy Amerikaanse buiging gemaak tydens 'n uitvoering in 1998 by Carnegie Hall, en het in verskeie uitvoerings saam met ander kunstenaars kamermusiekstukke gespeel. Hy is 'n leier-solis van kamerorkeste en sinfoniettas, en is bedrewe in improvisasie. Hy is ook 'n komponis met ervaring, en het reeds verskeie musikale rangskikkings en sy eie cadenzas geskryf.

Sy opnames vir Naxos sluit Grieg se Vioolsonates en 'Noorweegse Gunstelinge' vir viool en orkes in. Hy is 'n ontvanger van Noorweë se luisterryke Grieg-prys, en was in 2004 as die Inwonende kunstenaar van die Bergen Internasionale-fees aangestel. Kraggerud het in 2011 van Leif Ove Andsnes oorgeneem as mede-Artistieke Direkteur van die Risør-fees van Kamermusiek. Kraggerud het in 2012 die Artistieke Direkteur van die Tromsø Kamerorkes geword.

Kraggerud voer op beide die viool en die altviool op tydens internasionale feeste. Onlangse samewerkings het 'n Szymanowski Fokus by Wigmore Hall in Londen en die Zankel-saal in New York Stad ingesluit, waarvan Piotr Anderszewski die kurator was, en uitvoerings tydens die Verbier Festival-fees met Joshua Bell, Leonidas Kavakos en Martha Argerich. In 2011 het hy verskyn tydens die Hong Kong Internasionale Kamermusiek-fees en die Seoul Lente-fees. Hy het in 2012 aangesluit by sy kollegas tydens die Rio Internasionale Kamermusiek-week in Brasilie en die Stavanger Internasionale Kamermusiek-fees. Hy het saam met Imogen Cooper en Adrian Brendel by LSO St Luke's tydens die BBC se kamer konsertreeks verskyn.[1][2]

Eerbewyse[wysig | wysig bron]

  • 2007: «Ole Bull-prys», vir sy werk op die musiek van Ole Bull
  • 2008: Spellemannprisen in die klas Klassieke musiek, vir die plaat Eugène Ysaÿe: Ses Sonates Vir Soloviool
  • 2011: Gammleng-prys (Gammlengprisen) in die klas Kunsmusiek

Diskografie (seleksie)[wysig | wysig bron]

Soloplate[wysig | wysig bron]

As solis[wysig | wysig bron]

  • 1997: Grieg: Fiolinsonater Nr. 1-3 (Naxos), met Helge Kjekshus (klavier)
  • 1999: Bull, Halvorsen, Grieg, Sinding, Svendsen: Noorweegse Viool Gunstelinge (Naxos), met die «Razoemofski Simfonieorkes», dirigent: Bjarte Engeset
  • 2003: Johan Svendsen: Strykkwartet • Strykkwintet (cpo), met die Oslo Strykkwartet
  • 2004: Sibelius, Sinding: Vioolconcertos (Naxos Musiek), met die Oslo Strykkwartet
  • 2008: Sinding: Musikk For Fiolin Og Klavér (Naxos Musiek), met Christian Ihle Hadland
  • 2009: Christian Sinding: Musiek vir Viool en Klavier • 1 (Suite Im Alten Stil, Op. 10 • Walse, Op. 59) (Naxos Musiek), met Christian Ihle Hadland
  • 2009: Christian Sinding: Musiek vir Viool en Klavier • 2 (Naxos Musiek), met Christian Ihle Hadland
  • 2011: Mozart: Divertimento In E-moll Majeur (Naxos Musiek), met Lars Anders Tomter (altviool) & Christoph Richter (tjello)
  • 2012: Nordiese Viool Gunstelinge (Naxos Musiek), met «Dalasinfoniettan», dirigent: Bjarte Engeset
  • 2016: Mozart: Vioolconcertos Nos. 3, 4 en 5 (Naxos Musiek), met die Noorweegse Kamerorkes

Saamwerk geleenthede[wysig | wysig bron]

Verwysings[wysig | wysig bron]

Luafout in package.lua op reël 80: module 'Module:Portal/images/n' not found

  1. 1,0 1,1 "Henning Kraggerud Biography". IMGartists.com. Geargiveer vanaf die oorspronklike op 2012-03-07. Besoek op 2013-08-18.
  2. "Henning Kraggerud - violin". Proarte.no. Geargiveer vanaf die oorspronklike op 2006-03-23. Besoek op 2013-08-18.