Herbert

in Wikipedia, die vrye ensiklopedie
Jump to navigation Jump to search
Henry Howard Moyneux Herbert

Herbert is 'n historiese naam vir die landdrosdistrik en afdelingsraadgebied van Douglas in Griekwaland-Wes in die teenswoordige Noord-Kaap.

In 1876 was daar oor die gebied die Diamantveldkwessie. Na die bylegging van die grensgeskil tussen die Kaapkolonie en die Oranje-Vrystaat het die Kaapkolonie die gebied verdeel in die distrikte Herbert, Hay, Upper Hay, Barkly en Kimberley. Herbert is vernoem na Henry Howard Moyneux Herbert, die vierde graaf van Carnarvon (1831–1890), die Britse minister van kolonies van 1866 tot 1867 en weer van 1874 tot 1878.

Suidwes van Douglas is die nedersetting Salt Lake. Dit lê in die gebied voorheen bekend as Albania. In 1854 reeds het die OVS-regering die aanspraak van Waterboer op die grond tussen die Oranjerivier en die Vetberglyn, Albania genaamd, erken.

Albania moet nie verwar word met Albanie (oftewel die Zuurveld) in die Oos-Kaap nie. Ook nie met die land Albanië in die suidooste van Europa nie.

Sien ook[wysig | wysig bron]