Herbivoor

in Wikipedia, die vrye ensiklopedie
(Aangestuur vanaf Herbivore)
Hertagtiges wat blare vreet
Gorillas is ook herbivore.
'n Wurm wat aan 'n blaar knaag.

'n Herbivoor is 'n dier wat plantmateriaal vreet. Hierdie term is van die Latynse woord herba (gras, kruid, plant) en die agtervoegsel -vorus (etend, eter) afgelei. In teenstelling met herbivore, vreet karnivore uitsluitend ander diere, terwyl omnivore beide diere en plante vreet.

Herbivore (soos takbokke, olifante en perde) se tande is aangepas is om plantmateriaal te kneus en te maal. Hulle vreet meestal blare en vrugte, maar kan ook op ander plantdele soos blomme, wortels, sade, bas en nektar voed. Hierdie diere kan gewoonlik nie vleis kou of verteer nie. Sommige plantetende diere sal wel eiers en soms ander dierlike proteïen inneem. Diere wat meer as 5% van hulle dieet met dierlike voeding aanvul, word egter as omnivore geklassifiseer.[1]

Sommige herbivore se dieet is seisoenaal. In die gematigde gebiede, wat deur warm en koue seisoene afgewissel word, is verskillende plante op verskillende tye van die jaar beskikbaar.

Let daarop dat mense omnivore is. Mense wat slegs plante eet word vegetariërs genoem.

Sien ook[wysig | wysig bron]

Verwysings[wysig | wysig bron]

  1. Menno Schilthuizen (2008) The Loom of life. Unravelling Ecosystems, Springer Verlag, p.18.

Eksterne skakels[wysig | wysig bron]