Gaan na inhoud

Herman Koch

in Wikipedia, die vrye ensiklopedie
Herman Koch
Herman Koch in 2015
Gebore05 September 1953 (1953-09-05) (72 jaar oud)
Arnhem, Nederland
NasionaliteitNederlands
BeroepSkrywer, akteur
Jare aktief1984–teenswoordig
EggenootAmalia
Kinders1
Webwerfwww.hermankoch.com

Herman Koch (* 5 September 1953) is 'n Nederlandse skrywer en akteur. Hy skryf kortverhale, romans en rubrieke. Sy topverkoper roman, Die aandete (2009), is vertaal in 21 tale. Hy het hom bekwaam as akteur in radiostukke, televisie en rolprente. Hy is medeskepper van die TV-reeks Jiskefet (1990–2005).

Vroeë lewe en opvoeding

[wysig | wysig bron]

Herman Koch is gebore op 5 September 1953 in Arnhem, Nederland. Sy gesin het na Amsterdam verhuis toe hy twee jaar oud was.[1] Hy het skoolgegaan aan die Montessori Lyceum Amsterdam, waaruit hy later geskors is.[2]

Akteursloopbaan

[wysig | wysig bron]

Koch het hom as akteur bekwaam in radio, televisie en rolprente. Hy het bygedrae tot die komedieprogram Borát (1984–1989) vir radio.[2] Koch was saam met Kees Prins en Michiel Romeyn medeskepper van die absurdistiese and satiriese televisiereeks, Jiskefet (1990–2005), waarin hy ook gespeel het.[1][2] Hy het klein rolle vertolk in die rolprente Abeltje (1998) en Hè, Gezellig (2014) en die TV-reekse Abeltje (2000) en Voetbalvrouwen (2007).[3]

Skryfwerk

[wysig | wysig bron]

Koch skryf kortverhale, romans en rubrieke. Sy debuutwerk was die kortverhaalbundel De voorbijganger (1985). Sy eerste roman was Red ons, Maria Montanelli (1989).[2] In 2005 het Koch die teks geskryf vir die Groot Dictee der Nederlandse Taal, 'n speltoets vir volwassenes wat op televisie uitgesaai is en georganiseer is deur die Belgiese koerant De Morgen, die Nederlandse koerant De Volkskrant en die Nederlandse openbare uitsaaier NTR.[4]

Sy sesde roman was Die aandete (2009; Het diner), wat in 21 tale, insluitend Afrikaans, vertaal is,[1][5] en waarvan meer as 1 miljoen kopieë in Europa alleen verkoop is.[6] Dit het in 2009 die Nederlandse Spoorwegen se NS Publieksprijs gewen.[7] 'n Nederlandse teaterverwerking van Het diner is in 2012 op die planke gebring[8] en 'n Nederlandse rolprentverwerking van die roman is in 2013 uitgereik.[9] 'n Italiaanse rolprentverwerking, I Nostri Ragazzi, is in 2014 vrygestel.[10] 'n Engelse rolprentverwerking, The Dinner, is in 2017 uitgereik.[11][12]

'n Normale gesin, (Koreaans: 보통의 가족), 'n Suid-Koreaanse dramafilm uit 2023, wat geregisseer is deur Hur Jin-ho en geskryf is deur Park Eun-kyo en Park Joon-seok, is die vierde rolprentverwerking van die roman, ná die 2013-Nederlandse rolprent Het Diner, die 2014-Italiaanse rolprent I nostri ragazzi, en die 2017-Amerikaanse rolprent The Dinner.[13]

Persoonlike lewe

[wysig | wysig bron]

Koch is getroud met Amalia en hulle het 'n seun.[14][15] Koch is die halfbroer van die skrywer Els Pelgrom.

Werke

[wysig | wysig bron]
Kortverhale
  • (1985) De voorbijganger
  • (1991) Hansaplast voor een opstandige, onder die skuilnaam Menno Voorhof
  • (1998) Geen agenda
  • (2001) Schrijven & drinken
  • (2001) Dingetje
  • (2003) Alle verhalen
  • (2012) Korte geschiedenis van het bedrog
Romans
  • (1989) Red ons, Maria Montanelli
  • (1996) Eindelijk oorlog
  • (2000) Eten met Emma
  • (2003) Odessa Star
  • (2005) Denken aan Bruce Kennedy
  • (2009) Het diner; Afrikaanse vertaling: Die aandete, deur Daniël Hugo. Protea Boekhuis 2013 ISBN 978-1-86919-968-5
  • (2011) Zomerhuis met zwembad; Afrikaanse vertaling: Vakansiehuis met swembad, deur Daniël Hugo. Protea Boekhuis 2015 ISBN 978-1-4853-0545-3
  • (2014) Geachte heer M.
  • (2016) De greppel (Afr: Die sloot)
  • (2020) Finse dagen
  • (2021) Een film met Sophia
  • (2022) Het Koninklijk Huis
  • (2024) Ga je erover schrijven? (Afr: Gaan jy daaroor skryf?)
Rubrieke
  • (1999) Het evangelie volgens Jodocus
  • (2010) De ideale schoonzoon

Verwysings

[wysig | wysig bron]
  1. 1 2 3 Radio Books – 'A Brief History of Deceit' by Herman Koch Geargiveer 24 Oktober 2014 op Wayback Machine, Radio Netherlands Worldwide, 2009. Opgespoor op 14 Oktober 2012.
  2. 1 2 3 4 (in Nederlands) G.J. van Bork, Koch, Herman, Schrijvers en dichters, 2006. Opgespoor op 29 Mei 2013.
  3. ↑ Herman Koch, IMDb. Opgespoor op 17 Oktober 2014.
  4. ↑ (in Nederlands) Colofon, Omroep NTR. Opgespoor op 14 Julie 2013.
  5. ↑ Author: Herman Koch Geargiveer 13 Augustus 2012 op Wayback Machine, Nederlandse Stigting vir Letterkunde. Opgespoor op 2012-10-14.
  6. ↑ Arifa Akbar, The Dinner, By Herman Koch, trans. Sam Garrett, The Independent, 2012. Opgespoor op 18 Oktober 2012.
  7. ↑ (in Nederlands) NS Publieksprijs naar Het Diner, NRC Handelsblad, 2009. Opgespoor op 29 Mei 2013.
  8. ↑ (in Nederlands) Het diner, Hummelinck Stuurman Theaterbureau. Opgespoor op 14 Julie 2013.
  9. ↑ (in Nederlands) Het Diner de Film Geargiveer 29 Junie 2013 op Wayback Machine. Opgespoor op 22 Januarie 2014.
  10. ↑
    //www.comingsoon.it/film/i-nostri-ragazzi/50276/scheda/
  11. ↑ Ben Child, "Cate Blanchett cooking up directorial debut with The Dinner", The Guardian, 2013. Opgespoor op 4 Februarie 2014.
  12. ↑ "Beifuss: 'The Dinner' - A Review".
  13. ↑ Brzeski, Patrick (24 Julie 2023). "Korean Drama 'A Normal Family' Inks Distribution Deals Ahead of Toronto Premiere". The Hollywood Reporter. Besoek op 26 Julie 2023.
  14. ↑ (in Nederlands) Herman Koch, Amalia, de Volkskrant, 2003. Opgespoor op 14 Julie 2013.
  15. ↑ (in Nederlands) Herman Koch (onderhoud), Onderhoud: Herman Koch Geargiveer 8 November 2013 op Wayback Machine, Margriet, 2011. Opgespoor op 14 Julie 2013.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Herman_Koch&oldid=2902932"