Herman Schutte

in Wikipedia, die vrye ensiklopedie
Jump to navigation Jump to search

Herman Schutte is op 25 Desember 1761 in Bremen, Duitsland gebore en het op 25 Oktober 1844 in Swellendam gesterf. Hy is op 3 Julie 1796 met Christina Voges getroud en hulle het 5 kinders gehad. Hy was 'n boukontrakteur en argitek wat vir 7 jaar by 'n argitek in Hannover, Duitsland in diens was voor hy by die VOC aangesluit het en op 23 November 1789 uit Texel, Nederland aanboord die skip Governeur-generaal Maatsuyker vertrek het en op 2 April 1790 in Kaapstad aangekom het.[1]

In Suid-Afrika het hy op Robbeneiland as klipkapper in die steengroewe gewerk. Hy verloor egter sy linkerhand en linkeroog in 'n rotsstorting en word hy op 27 Maart 1792 uit die Kompanjie ontslaan. Hy werk daarna as boukontrakteur aan talle geboue in Kaapstad insluitend die Kasteel, die Vrymesselaarslosie De Goede Hoop, en die Groenpuntvuurtoring wat ook deur hom ontwerp is, die St. George-katedraal, en die Groote Kerk. Hy het ook die Nieuwe Kerk, Kaapstad, wat later weer gesloop is, en die Woutersen-grafkelder by Groenpunt ontwerp en gebou. Buite Kaapstad was hy verantwoordelik vir die ontwerp van die NG Kerk in George.[1]

Verwysings[wysig | wysig bron]

  1. 1,0 1,1 South African Stamouers Herman SCHUTTE, besoek op 21 Desember 2006