Hertshoring

in Wikipedia, die vrye ensiklopedie
Jump to navigation Jump to search

Hertshoring was ‘n bron van ammoniumkarbonaat. Dit is gebruik as ‘n rysmiddel in gebak (dus as bakpoeier) en as vlugsout.

Die produk hertshoring (hartshorn) is oorspronklik vervaardig deur die distillasie van die gemaalde geweie (bokhorings) en hoewe van takbokke (herte) en ander hoefdiere. Soms is selfs hare en urine gebruik. Teenswoordig word dit chemies vervaardig.

Hertshoring word slegs deur hitte (so ‘n 60 °C) geaktiveer en nie deur vogtigheid nie. Dit laat geen alkaliese smaak in die gebakte produk na nie. Indien daar wel spore van die hertshoring in die gebak oorbly, laat dit ‘n ammoniaksmaak na. Daarom word dit liefs gebruik by die bak van klein en droë produkte soos harder en klein koekies en kraakbeskuitjies waar die gas slegs ‘n kort pad volg om uit die beslag te ontsnap.

In ou resepte vir spekulaas en Lebkuchen van Duitse en Skandinawiese oorsprong kom die bestanddeel hartshorn voor. Dit word beweer dat die gebruik van hartshorn die koekies meer donserig maak as by die gebruik van die moderne bakpoeier. As dit lugdig verpak word, sal die hertshoring nie sy krag as rysmiddel verloor nie.

Bibliografie[wysig | wysig bron]

  • www.cooksinfo.com
  • www.majstro.com