Hervormde Ou Apostoliese Kerk

in Wikipedia, die vrye ensiklopedie

Die Hervormde Ou Apostoliese Kerk is 'n millinialistiese Kerk wat in 1972 weggebreek het vanaf die Ou Apostoliese Kerk, onder leiding van 'n voormalige OAK Apostel Robert Lombard.

Die kerk het eers bekend gestaan as die Non-White Old Apostolic Church, maar die naam is later verander na die Reformed Old Apostolic Church. In Afrikaans staan dit bekend as die Hervormde Ou Apostoliese Kerk.

Geskiedenis[wysig | wysig bron]

Apostel Robert Lombard is in 1958 as Apostel in die Ou Apostoliese Kerk verordineer. In 1971 word hy ernstig siek. Hy ontvang 'n openbaring vanaf Jesus Christus dat hy genees sou word indien hy sy volk sou bevry. Volgens Lombard was dit Jesus se wil dat hy as politieke verlosser vir sy volgelinge moet optree. Die ander Apostels van die Ou Apostoliese Kerk wou nie Lombard se openbaring of sy interpretasie van die openbaring aanvaar nie. Tesame met twee Opsieners verlaat Lombard die Ou Apostoliese Kerk en stig die Non-White Old Apostolic Church.

Op 31 Januarie 1972 wys hy een van die Opsieners wat saam met hom die Ou Apostoliese Kerk verlaat het, Adolf Neethling, as sy opvolger aan, en verordineer hom as Apostel. Lombard sterf in Junie 1972.

In 'n daaropvolgende hofgeding in 1975 teen die Ou Apostoliese Kerk word Lombard se kerk gedwing om sy naam te verander na die Hervormde Ou Apostoliese Kerk, omdat die naam Non-White Old Apostolic Church die publiek kon verwar en hulle laat dink dat die kerk verbind is met die Ou Apostoliese Kerk.

Die HOAK is hoofsaaklik gevestig onder Kleurlinggemeenskappe in die Wes-Kaap.

Skeurings[wysig | wysig bron]

Die Hervormde Apostoliese Kerk van Freddie Isaacs, ook bekend as die Cradock Apostel het van die HOAK weggebreek.

Eksterne skakels[wysig | wysig bron]

Verwysings[wysig | wysig bron]

  • Old Apostolic Church of Africa: Western Cape (fotoblad)
  • Old Apostolic Church of South Africa v Non-White Old Apostolic Church of Africa 1975 (2) SA 684 (C) at 687