Highveld (Londen)

in Wikipedia, die vrye ensiklopedie

Highveld is die naam van die ampswoning van die Suid-Afrikaanse hoë kommissaris in Londen. Die huis is geleë naby die middestad in die buurt Camden.

Highveld is gebou in die laat-Victoriaanse styl en is versier met antieke meubels en kunswerke, soos 'n besondere Kaapse koperkandelaar, skilderye (o.a. deur Pierneef) en 'n kosbare versameling antieke horlosies.

Tussen 1984 en 1987 was dr. Denis Worrall die ambassadeur in Groot-Brittanje. Sy vrou Anita het in 1986 in samewerking met William Lorimer die huis en sy inhoud beskryf in die boek Highveld – the story of a house. In die jare 1950 tot 1954 was dr. A.L. Geyer die hoë kommissaris in Londen. Die boek Briewe uit Highveld deur mev. Anna Geyer het in 1965 verskyn en die boek Vier jaar in Highveld deur dr. Geyer in 1969.

Die woning van die Suid-Afrikaanse ambassadeur in Den Haag staan bekend as Bosveld.

Lees ook[wysig | wysig bron]