Hilton Moscow Leningradskaya Hotel
Die Hotel Leningradskaja is een van die neoklassieke geboue in Moskou bekend as die Sewe Susters van Josef Stalin wat in die vroeë 1950's gebou is.[1] Dit is nou amptelik bekend as die Hilton Moscow Leningradskaya Hotel.
Beskrywing[wysig | wysig bron]
Die hotel is in 1954 voltooi en is ontwerp om die indrukwekkendste luuksehotel in die stad te wees. Die trap het een van die langste ligtoebehoorsels in die wêreld – dit was voorheen in die Guinness World Records. Die gange van die boonste verdiepings het panele van donker kersiehout.
Die hotel het onder meer ’n restaurant, spa, skoonheidsalon, fiksheidsentrum, geskenkewinkel, vergadersale en ’n groot balsaal.[2] Die toring van die gebou oorheers Komsomolskajaplein met sy drie ryk versierde treinstasies aan een van Moskou se sirkelpaaie. Dit is sedert 2008 deel van die Hilton-hotelgroep[3] ná ’n groot restourasie van miljoene dollars.
Verwysings[wysig | wysig bron]
- ↑ http://www.bonhams.com/auctions/20377/lot/3197/
- ↑ Hilton Moscow Leningradskaya Hotel factsheet Geargiveer 24 September 2020 op Wayback Machine, Hilton Hotels, URL besoek op 12 Februarie 2012
- ↑ http://www.hotel-online.com/News/PR2008_3rd/Aug08_Leningradskaya.html
Eksterne skakels[wysig | wysig bron]
Wikimedia Commons het meer media in die kategorie Hilton Moscow Leningradskaya Hotel.
Hierdie artikel is vertaal uit die Engelse Wikipedia
