Hoërskool Piet Potgieter

in Wikipedia, die vrye ensiklopedie
Jump to navigation Jump to search
Hoërskool Piet Potgieter
Tipe Staatskool
Grade 8-12
Stad Potgietersrus
Provinsie Limpopo
Land Suid-Afrika
Webblad hspotties.co.za

Hoërskool Piet Potgieter is 'n Afrikaanse hoërskool in Potgietersrus (Mokopane), Limpopoprovinsie, Suid-Afrika. Die skool is na die Voortrekkerleier Piet Potgieter vernoem.

Geskiedenis[wysig | wysig bron]

In 1882 het twee meesters by Potgietersrus se skool aangekom en begin skool gee. Hulle was menere Botha en Ruitenberg. Hulle het vir 43 leerders skool gegee in 'n hartbeeshuisie, wat die eiendom van kommandant Henning Pretorius was.

In 1897 het mnr. Fahrmeyer Potgietersrus toe gekom en ook skool gehou. Die eerste gebou is op die hoek van Ruiterweg en Retiefstraat opgerig vir onderrig en opvoeding.

Die Anglo-Boereoorlog het onderwys tot stilstand gebring, maar in 1903 is mnr. Matthews as die eerste onderwyser (onder die onderwyswet) aangestel. ’n Skoolkonsert is op 22 Julie 1904 gehou. Die volgende leerders het opgetree: mej. Emma Geyser, mnr. Pieter Venter, mej. M.D. Vorster, Catharina Nortje, C. Erasmus, D. Nortje, E. Maggs en P. Vorster.

Die getal leerders het gegroei. Sedert 1907 het die personeel en leerlinge tente, ou winkelgeboue, doodkislokale en privaat huise gebruik weens ’n tekort aan ruimte in die skoolgebou.

In 1917 is Laerskool Potgietersrus gebou (Geyserstraat) en 250 leerders is ingeskryf. In 1926 is 'n gedeelte van die junior-hoërskool gebou voltooi. Mnr. Jacob van Schalkwyk was die hoof van die skool (1913–1928). Mnr. T.C. Botha word daarna as hoof aangestel. Ses maande na sy aanstelling is hy bevorder tot die inspektoraat en mnr. F.T. Wedepohl word aangestel as die nuwe skoolhoof.

In 1939 is die skool in ’n laerskool en ’n junior-hoërskool geskei.

Mnr. D.J. Coetsee word die hoof van die hoërskool op 30 Januarie 1939. Vanaf 12 Januarie 1942 word die junior-hoërskool omskep in ’n hoërskool.

Akademie[wysig | wysig bron]

Die skool se hoofmeisie van 2010, Nalize Groenewald het 10 onderskeidings in al haar vakke (Afrikaans, Engels, geografie, lewensoriëntering, fisiese wetenskappe, rekeningkunde, wiskunde, wiskunde vraestel 3, ingenieursgrafika en -ontwerp en rekenaartoepassingstegnologie) behaal. Sy is as Limpopo se toppresteerder van 2010 aangewys.[1]

Verwysings[wysig | wysig bron]

  1. Limpopo se slimste het 10 onderskeidings, Nuus24, besoek op 6 Januarie 2010.

Eksterne skakels[wysig | wysig bron]