Ho Chi Minh-stad

in Wikipedia, die vrye ensiklopedie
(Aangestuur vanaf Ho Chi Minh City)
Jump to navigation Jump to search

Ho Chi Minh-stad
Thành phố Hồ Chí Minh
Vista de Ciudad Ho Chi Minh desde Bitexco Financial Tower, Vietnam, 2013-08-14, DD 13.JPG

Kaart Wapen
LocationVietnamHoChiMinh.png
Coats of arms of None.svg
Vlag
Flag of None.svg
 Land Vlag van Viëtnam Viëtnam
 Provinsie Hồ Chí Minh
 Koördinate 10°46′37″N 106°42′03″O / 10.77694°N 106.70083°O / 10.77694; 106.70083
 Stigting 1698
 Oppervlakte:  
 - Totaal 2 095,5 vk km
 Hoogte bo seevlak 19 m
 Bevolking:  
 - Totaal (2009) 7 123 340
 - Bevolkingsdigtheid 3 800/vk km
 Tydsone UTC +7
 Burgemeester
 Amptelike webwerf hochiminhcity.gov.vn

Ho Chi Minh-stad (Viëtnamees: Thành phố Hồ Chí Minh; Viëtnamese uitspraak: [tʰàjŋ̟ fǒ hò cǐ mīŋ̟] of [tʰàn fǒ hò cǐ mɨ̄n]), algemeen bekend onder sy vorige naam, Saigon (Viëtnamees: Sài Gòn; [sàj ɣɔ̀n] of [ʂàj ɣɔ̀ŋ]), is die grootste stad in Viëtnam met die meeste inwoners. Volgens die 2019-sensus het die Ho Chi Minh-stad meer as 8,9 miljoen inwoners gehad en meer as 21 miljoen mense in die metropolitaanse gebied daarvan.[1] In die suidooste van Viëtnam geleë, omring die stad die Saigonrivier en beslaan ongeveer 2061 vierkante kilometer.

Ho Chi Minh-stad is 'n ekonomiese en finansiële sentrum en speel 'n belangrike rol in die land se kulturele en wetenskaplike ontwikkeling. Dit is naby die Mekongrivier-delta geleë. Die middestad is aan die oewer van die Saigonrivier geleë, 60 km wes van die Suid-Chinese See en 1 760 km (1 094 myl) suid van Hanoi. Die Landmark 81 en Bitexco Financial Tower is wolkekrabbers in die stad.

Voor die Viëtnamese nedersetting in die 17de eeu was die stad 'n ylbevolkte gebied wat agtereenvolgens deel van die historiese koninkryke van Funan, Champa en Khmer was. Met die aankoms van die Viëtnamese het die gebied meer welvarend geword en amptenare het hulself vanaf 1623 tot 1698 in die stad begin vestig. Nadat die laaste Viëtnamese dinastie die stad in 1862 aan die Franse afgestaan het, is die naam Saigon aanvaar en het die stad verstedeliking ondergaan om 'n belangrike ekonomiese sentrum in die streek te word. Die stad was die hoofstad van Suid-Viëtnam tot aan die einde van die Viëtnamoorlog wat deur Noord-Viëtnam gewen is in 1975. In 1976 het die regering van 'n verenigde Viëtnam Saigon hernoem na sy huidige amptelike naam ter ere van die kommunistiese leier Hồ Chí Minh.

Die stad is 'n streeksmag in finansies en besigheid en word deur die Globalization and World Cities Research Network as 'n beta-stad geklassifiseer.[2] Dit is 'n opkomende internasionale toeristebestemming met gewilde landmerke wat verband hou met die oorblyfsels van sy koloniale verlede wat deur die argitektuur daarvan uitgebeeld word. Die stad is 'n belangrike sentrum van vervoer wat oor die Tan Son Nhat Internasionale Lughawe, die besigste lughawe in Viëtnam, beskik. Met die vinnige ekonomiese ontwikkeling ondergaan die Ho Chi Minh-stad nuutgeboude 'hoë-tegnologie' sones en addisionele opvoedkundige instellings vestig hul hier. Die stad dien ook as 'n belangrike media- en vermaaklikheidsbron.

Etimologie[wysig | wysig bron]

In die loop van sy geskiedenis het Ho Chi Minh-stad verskillende name gehad wat die nedersetting deur verskillende etniese, kulturele en politieke groepe weerspieël. Oorspronklik 'n handelshawestad van die Khmer-ryk[3][4] , bekend as Prey Nokor (Khmer: ព្រៃនគរ), [5][6][7][8] staan dit vandag nog bekend as Prey Nokor onder Kambodjane.[6][7] Met verloop van tyd, onder die beheer van die Viëtnamese, is dit amptelik herdoop na Gia Dinh (嘉定), 'n naam wat behoue gebly het tot die tyd van die Franse verowering in die 1860's. Die naam Sài Gòn is toe aangeneem, verwester as Saïgon.[4] Die stad word egter steeds aangedui as 嘉定 op Viëtnamese kaarte wat in die Chữ Hán taal geskryf is tot minstens 1891.[9]

Die huidige naam, Ho Chi Minh-stad, is na hereniging in 1976 gegee om Ho Chi Minh te vereer. Die informele naam van Sài Gòn word egter vandag nog in die daaglikse spreektaal, sowel plaaslik as internasionaal gebruik, veral onder die Viëtnamese diaspora. Daar is egter 'n tegniese verskil tussen die twee terme: Sài Gòn word gewoonlik gebruik om na die middestad in distrik een en die aangrensende gebiede te verwys, terwyl Ho Chi Minh[10]-stad verwys na die hele moderne stad met al sy stedelike en landelike distrikte. [4]

Verwysings[wysig | wysig bron]

  1. "Báo cáo sơ bộ Tổng điều tra Dân số và nhà ở 2019" [General statistics for Population and households investigation 2019] (pdf) (in Viëtnamees). General Statistics Office of Vietnam. Besoek op 20 Maart 2020.
  2. "The World According to GaWC 2020". GaWC - Research Network. Globalization and World Cities. Besoek op 31 Augustus 2020.
  3. Vo, Nghia M. (2011). Saigon: A History (in Engels). McFarland.
  4. 4,0 4,1 4,2 Robert M. Salkin; Trudy Ring (1996). Paul E. Schellinger; Robert M. Salkin (reds.). Asia and Oceania. International Dictionary of Historic Places. 5. Taylor & Francis. pp. 353–354. ISBN 1-884964-04-4.
  5. Nghia M. Vo; Chat V. Dang; Hien V. Ho (2008-08-29). The Women of Vietnam. Saigon Arts, Culture & Education Institute Forum. Outskirts Press. ISBN 978-1-4327-2208-1. Geargiveer vanaf die oorspronklike op 3 Maart 2016. Besoek op 20 Desember 2018.
  6. 6,0 6,1 Chandler, David (2008). A History of Cambodia (4th uitg.). Westview Press.
  7. 7,0 7,1 Tarling, Nicholas (2000). The Cambridge history of Southeast Asia. Cambridge University Press.
  8. Justin Corfield (2014). Historical Dictionary of Ho Chi Minh City. Anthem Press. bl. 17. ISBN 9781783083336. Geargiveer op 28 Oktober 2018. Besoek op 27 Oktober 2018.
  9. "Comprehensive Map of Vietnam's Provinces". World Digital Library. UNESCO. 1890. Geargiveer vanaf die oorspronklike op 30 Junie 2011. Besoek op 13 April 2011.
  10. Vé máy bay đi Sài Gòn giá rẻ chỉ từ 199K

Eksterne skakels[wysig | wysig bron]