Hohentwiel

in Wikipedia, die vrye ensiklopedie
Hohentwiel
'n Lugfoto van die Hohentwiel 'n Lugfoto van die Hohentwiel
Ligging Baden-Württemberg, Duitsland
Hoogte 686 meter bo seevlak
Prominensie 5 300
Koördinate 47°45′53″N 8°49′08″O / 47.76472°N 8.81889°O / 47.76472; 8.81889Koördinate: 47°45′53″N 8°49′08″O / 47.76472°N 8.81889°O / 47.76472; 8.81889
Topografiese kaart
Bergtipe Berg

Hohentwiel (afgelei van Kelties twiel "rots") is 'n berg en oorspronklike vulkaankeël met 'n hoogte van 686 meter bo seevlak in die Hegau, 'n landskap wes van die Bodenmeer in die deelstaat Baden-Württemberg (Duitsland).

Geskiedenis[wysig | wysig bron]

Die Kelte was die eerste setlaars wat hulle op die Hohentwiel gevestig het. Die eerste verwysing na 'n versterking op die bergpiek dateer uit 912. Die vesting Hohentwiel strek oor meer as nege hektaar en is die grootste bouval van 'n Middeleeuse kasteel in Duitsland.

Geologie[wysig | wysig bron]

Die Hohentwiel is die oorblyfsel van 'n vulkaan, wat sowat 10 miljoen jaar gelede aktief was. Die sagter gesteentes is eers gedurende die Ystyd- en die Warmtydperke, wat daarop gevolg het, deur gletsers en erosie verwyder. Hierdie proses het uiteindelik die uitgewerkte vulkaan se kraterpyp blootgelê.

Op die windwaartse westelike kant van die Ryngletser het die ou laag van tufsteen bewaar gebly. Die fonolietrots is deurtrek van talle natroliet-are. Hierdie mineraal is wêreldwyd net op die Hohentwiel en twee nabygeleë berge, Hohenkrähen en Mägdeberg, te vinde.

Fauna en flora[wysig | wysig bron]

Die Hohentwiel

Die Hohentwiel is 'n natuurbewaringsgebied en 'n Bannwald ('n woud waarin nie gejag mag word nie). Die bouvalle, tuine en weivelde is 'n habitat vir bedreigde dier- en plantspesies. Sommige van die plantspesies het hulle oorsprong in die Middeleeuse burgtuin en het tot vandag bewaar gebly of selfs in die omgewing uitgebrei, soos byvoorbeeld die hysop (Hyssopus officinalis). Die herkoms van die Sjinese prei (Allium ramosum), wat onlangs in die rotse begin uitbrei het, is onbekend.

Eksterne skakels[wysig | wysig bron]