Honda Ballade/Honda Civic
 Die eerste geslag Honda Ballade | |
| Oorsig | |
|---|---|
| Vervaardiger |  Honda |
| Ook genoem | Honda Civic (2de geslag) Rover 200 (2de geslag) Triumph Acclaim |
| Produksie | 1980-1983 (1ste geslag) 1983-1986 (2de geslag) |
| Montering | Suzuka, Japan en elders |
| Bakwerk en onderstel | |
| Klas | Kompakte motor |
| Bakstyl | 4-deur sedan |
| Spesifikasies | |
| Enjin(s) | 1.3L Honda EJ inlyn-4 1.5L Honda EM inlyn-4 1.3L Honda EV inlyn-4 1.5L Honda EW inlyn-4 |
| Ratkas | 2-gang Hondamatic 3-gang outomaties 5-gang handrat |
| Lengte | 4095 mm (1ste geslag) 4160 mm (2de geslag) |
| Breedte | 1600 mm (1ste geslag) 1630 mm (2de geslag) |
| Hoogte | 1345 mm (1ste geslag) 1385 mm (2de geslag) |
| Asafstand | 2320 mm (1ste geslag) 2450 mm (2de geslag) |
| Plek in geskiedenis | |
| Opvolger | Honda Concerto (oorsee) |
Die Honda Ballade was 'n kompakte motor wat deur Honda van Japan gebou is. Dit het begin as 'n vierdeur hoëtoerustingvlakweergawe van die Honda Civic in 1980. Die Ballade is op dieselfde tyd as die Honda Vigor ontwikkel, wat 'n hoër inhoudsvlak as die Honda Accord gehad het. Die Ballade is in Japan uitsluitlik verkoop deur Honda Verno-handelaars saam met die Vigor, Honda Prelude, CR-X, en Honda Quinto. In die Verenigde Koninkryk is dit op dieselfde tyd vrygestel as die soortgelyke Triumph Acclaim wat 'n Hondageboude enjin gehad het.
Die naam van die motor is die Franse woord vir 'n "ballade". Die Ballade het in Japan meegeding met die Toyota Sprinter, die Nissan Laurel Spirit en Nissan Sunny.
 Die vierde geslag Honda Ballade | |
| Oorsig | |
|---|---|
| Ook genoem | Honda Civic (4de geslag) |
| Produksie | 1987–1991 |
| Montering | Suzuka,  JapanOos-Londen,  Suid-Afrika (MBSA) |
| Bakwerk en onderstel | |
| Klas | Kompakte motor |
| Bakstyl | 4-deur sedan |
| Uitleg | Voorenjin, voorwielaangedrewe |
| Spesifikasies | |
| Enjin(s) | 1.3 L Honda D13B inlyn-4 1.4 L Honda D14A 1.5 L Honda D15B1 inlyn-4 1.6 L Honda D16A6 inlyn-4 1.6 L Honda B16A DOHC |
| Ratkas | 4-gang outomaties 4- of 5- of 6-gang handrat |
| Lengte | 4229 mm (sedan) |
| Breedte | 1674 mm (sedan) |
| Hoogte | 1359 mm (sedan) |
| Asafstand | 2499 mm (sedan) |
| Plek in geskiedenis | |
| Opvolger | Honda Civic 5de geslag |
| Variante | Acura Integra Honda CR-V Honda Concerto Honda Integra Rover 200/400 (R8) |
Honda Civic[wysig | wysig bron]
("Honda Ballade" in Suid-Afrika)
Vir 1987 is die Honda Civic aansienlik herontwerp, met 'n wêreldwye vrystelling in 1988. Die suspensie het 'n radikale opset wat Honda "dubbelmikveringsuspensie" noem op al vier hoeke, die asafstand het ook toegeneem tot 2500 mm. Die bakwerk is ten volle herontwerp met 'n laer enjinkaplyn en meer glasoppervlak, wat heelwat minder sleur tot gevolg gehad het. Die agtervering kan meer akkuraat beskryf word as 'n multi-skakel sleeparmsuspensie, aangesien die boonste beheerarm slegs 'n enkele anker het.
Kragtiger enjins[wysig | wysig bron]
Die basismodel van die vierde geslag Civic het 'n 1.3 L enkelbonokas gehad, maar hierdie enkelvergasserenjin was nie beskikbaar vir die Japannese en Amerikaanse markte nie.
Die 1.5 L enkelbonokas-enjin is in 'n wye verskeidenheid van modelle vrygestel, met óf tweelinginspuiting, óf 'n enkelvergasser, óf 'n dubbelvergasser. Hierdie kragtiger enjins was beskikbaar in die Japannese mark as die 25X en 25XT.
Maar daar was meer om te kom, en teen die einde van 1989 was die topmodel-luikrug die nuwe SiR, toegerus met 'n 1.6 L, 160 PS (118 kW; 158 pk) teen 7600 opm "B16A" DBNA-VTEC-enjin. Dit was die eerste B-enjin, en ook die bekendstelling van Honda se veranderlike kleptydreëling en elektroniese klepbeheertegnologie, of VTEC. Deur die verskaffing van twee verskillende nokasprofiele - een vir brandstofekonomie, en een vir prestasie - het die VTEC-enjins 'n hoë-toere, natuurlik geaspireerde presedent vir toekomstige prestasievariante van die Honda Civic daargestel.[1]
Met sy ligte gewig, onafhanklike vering en kragtige enjin is die motor goed ontvang oor die wêreld heen. Die Civic wen die "Golden Steering Wheel Award" van die Duitse koerant Bild am Sonntag, en die eerste plek in Frankryk se l'Automobile tydskrifopname vir motorgehalte en -etroubaarheid in 1989.[2]
Die Europese model, aangewys as die "1.6i-VT", gebruik 'n effens minder kragtige B16A1 enjin, wat 112 kW lewer by sy rooilyn van 8200 opm.
Verwysings[wysig | wysig bron]
- ↑ "Honda Civic History" (in Engels). channel4.com. Geargiveer vanaf die oorspronklike op 22 Desember 2009. Besoek op 13 Januarie 2015.
- ↑ "Fourth Generation Honda" (in Engels). honda.com. Geargiveer vanaf die oorspronklike op 30 Junie 2018. Besoek op 13 Januarie 2015.
|
|---|
|
Accord · Amaze · Brio · City/Greiz · Ballade/Civic · Civic Type R · Clarity · Crider · CR-V · Jazz · Gienia · Legend · N-Box · N-One · NSX · Prelude · Robins · Spirior |
| Wysig hierdie sjabloon |
| Hierdie artikel is in sy geheel of gedeeltelik vanuit die Engelse Wikipedia vertaal. |
