Gaan na inhoud

Hongkongse nasionale vrouerugbyspan

in Wikipedia, die vrye ensiklopedie
Hongkong
Unie Hongkongse Rugbyunie (HKRU)
Embleem Chinese draak
Afrigter(s) Vlag van Nieu-Seeland Andrew Douglas[1] (sedert 2023)
Kaptein(s) Pun Wai-yan
Spankleure


Eerste internasionale wedstryd
Vlag van Japan Japan 42–14 Hongkong Vlag van Hongkong
(Kumagaya, Japan; 8 April 1998)
Grootste oorwinning
Vlag van Maleisië Maleisië 0–81 Hongkong Vlag van Hongkong
(Kuala Lumpur, Maleisië; 18 Desember 2010)
Grootste nederlaag
Vlag van Nieu-Seeland Nieu-Seeland 121–0 Hongkong Vlag van Hongkong
(Dublin, Republiek Ierland; 13 Augustus 2017)
Wêreldbeker
Verskynings 1/9 (Eerste in 2017)
Beste uitslag Twaalfde plek in 2017
Unie webwerf
www.hkrugby.com

Die Hongkongse nasionale vrouerugbyspan (Engels: Hong Kong women’s national rugby union team) is die nasionale vrouerugbyspan wat die spesiale administratiewe streek van die Volksrepubliek China Hongkong in internasionale wedstryde (toetswedstryde) verteenwoordig. Rugby word in Hongkong geadministreer deur die Hongkongse Rugbyunie (Engels: Hong Kong Rugby Union, HKRU; Chinees: 中國香港欖球總會) wat in 1952 gestig is. Die Hongkongse vrouerugbyspan is tans (Junie 2025) 17de op Wêreldrugby se wêreldranglys gelys.[2] Saam met Kasakstan is Hongkong tradisioneel een van die sterker Asiatiese nasionale vrouerugbyspanne ná Japan. Die Hongkongse span speel tradisioneel in rooi-wit-gestreepte truie met donkerblou kleuraksente, donkerblou broeke en donkerblou sokkies.

Hongkong beskik oor een van die oudste rugbytradisies in Asië, en hul rugbygeskiedenis streek terug na die 19de eeu, toe Britse koloniste hulle in Hongkong gevestig en die sport saamgebring het. Oor ’n lang tydperk was rugby in Hongkong tradisioneel met die Engelstalige burgers van Britse herkoms geassosieer, maar sedert die 1990’s is die sport ook deur die Kantoneestalige gemeenskap oorgeneem. Hongkong het in 1998 sy eerste toetswedstryd teen Japan gespeel. In 2016 het Hongkong vir die eerste keer vir die vrouerugbywêreldbekertoernooi gekwalifiseer, maar hulle is tydens die 2017-toernooi reeds in die groepfase uitgeskakel. Sedert 2006 neem Hongkong aan die Asiatiese Vrouekampioenskap deel en kon sedertdien een titel inpalm.

Beheerliggaam

[wysig | wysig bron]
Die hoofartikel vir hierdie afdeling is: Hongkongse Rugbyunie.

Die beheerliggaam vir rugby in Hongkong is die Hongkongse Rugbyunie (Engels: Hong Kong Rugby Union, HKRU; Chinees: 中國香港欖球總會). Die HKRU is in 1952 gestig en het in 1988 by die Internasionale Rugbyvoetbalraad (IRVR; nou Wêreldrugby) aangesluit.[3] Daarbenewens was die HKRU in 1968 ’n stigtingslid van die Asiatiese Rugbyvoetbalunie (Engels: Rugby Football Union, ARFU; nou Asië Rugby).[4]

Geskiedenis

[wysig | wysig bron]

Hongkong het sy debuut gemaak tydens die Vrouerugbywêreldbeker 2017.[5][6][7][8] Hongkong het aan die Asië-Oseanië-kampioenskap 2019 in Fidji deelgeneem. In die rondomtalie het hulle teen Fidji en Samoa te staan gekom. Die Hongkongers kon die Fidjiane met 29–10 klop, maar hulle het teen die Samoane met 12–34 verloor.[9][10] Samoa het dié toernooi met ’n 15–12-oorwinning oor Fidji beklink.[11]

Vanweë die wêreldwye Covid-19-pandemie het die span hulleself aan die Vrouerugbywêreldbeker 2021-kwalifisering in Doebai onttrek.[12][13][14]

In 2022 kon die Hongkongers twee oorwinnings aanteken oor die Kasakke; tydens die eerste toetswedstryd kon hulle die bordjies verhang en met 31–17 seëvier, terwyl hulle in die tweede wedstryd ’n naelskraapse 14–12-oorwinning kon aanteken.[15][16] Daarmee kon hulle op Wêreldrugby se wêreldranglys met vier plekke in die 15de plek inskuif.[15][16]

Kleure en embleem

[wysig | wysig bron]
Die Chinese draak, embleem van die Hongkongse nasionale vrouerugbyspan

Hongkong speel tradisioneel in rooi-wit-gestreepte truie met donkerblou kleuraksente, donkerblou broeke en donkerblou sokkies. Hul alternatiewe trui is rooi met rooi moue, wit broeke en donkerblou sokkies.

Die Hongkongse Rugbyunie se kenteken toon ’n gestileerde Chinese draak in blou met die belettering HKRU in Engels en 中國香港欖球總會 in Chinees.

Toetswedstryde

[wysig | wysig bron]

Hongkong het 21 van sy 56 toetswedstryde gewen, ’n wenrekord van 37,50%. Hongkong se statistieke in toetswedstryde teen alle lande, in alfabetiese volgorde, is soos volg (korrek teen Junie 2025):

Opponent Gespeel Gewen Verloor Gelykop % Gewen
Vlag van Fidji Fidji 2 2 0 0 100,00
Vlag van Japan Japan 17 1 16 0 5,88
Vlag van Kanada Kanada 1 0 1 0 0,00
Vlag van Kasakstan Kasakstan 6 2 4 0 33,33
Vlag van Kirgisië Kirgisië 1 1 0 0 100,00
Vlag van Maleisië Maleisië 1 1 0 0 100,00
Vlag van Nederland Nederland 3 2 1 0 66,67
Vlag van Nieu-Seeland Nieu-Seeland 1 0 1 0 0,00
Vlag van Samoa Samoa 1 0 1 0 0,00
Vlag van Swede Swede 1 1 0 0 100,00
Vlag van Singapoer Singapoer 12 10 1 1 83,33
Vlag van Spanje Spanje 4 0 4 0 0,00
Vlag van Thailand Thailand 1 0 1 0 0,00
Vlag van Oesbekistan Oesbekistan 1 0 1 0 0,00
Vlag van Wallis Wallis 2 0 2 0 0,00
Algeheel 56 21 34 1 37,50

Rekords

[wysig | wysig bron]

Wêreldbekerrekord

[wysig | wysig bron]

Hongkong het tot dusver vir een vrouerugbywêreldbekertoernooi gekwalifiseer. Hulle is tydens die 2017-toernooi egter sonder ’n oorwinning in die groepfase uitgeskakel.

Jaar Uitslag
1991 Nie deelgeneem nie
1994 Nie deelgeneem nie
1998 Nie deelgeneem nie
2002 Nie gekwalifiseer nie
2006 Nie gekwalifiseer nie
2010 Nie gekwalifiseer nie
2014 Nie gekwalifiseer nie
2017 Twaalfde plek
2021 Nie gekwalifiseer nie
2025 Nie gekwalifiseer nie
2029 N.v.t.
2033 N.v.t.

Asiatiese Vrouekampioenskappe

[wysig | wysig bron]

Hongkong neem sedert 2007 aan die jaarlikse Asiatiese Vrouekampioenskap deel. Hulle het sedertdien een titel gewen.

  • Toernooititels (1): 2022

Spelers

[wysig | wysig bron]

Huidige span

[wysig | wysig bron]

Die volgende spelers het die Hongkongse span gevorm tydens die WXV 3 2024:[17]

Agterspelers (backs)
Speler Posisie Klub Toetswedstryde
Au King-To Skrumskakel Gai Wu 07
Jessica Ho Skrumskakel USRC Tigers 18
Wan Tsz-Yau Skrumskakel Gai Wu 01
Georgia Rivers Losskakel Kowloon 00
Fung Hoi-Ching Losskakel Gai Wu 06
Qian Jiayu Senter Gai Wu 07
Natasha Olson-Thorne Senter USRC Tigers 30
Gabriella Rivers Senter HKFC 03
Lucia Bolton Senter HKFC 00
Chong Ka-Yan Vleuel USRC Tigers 17
Zoe Smith Vleuel Valley 07
Sabay Lynam Vleuel Kowloon 03
Haruka Uematsu Vleuel Valley 00
Voorspelers (forwards)
Speler Posisie Klub Toetswedstryde
Tsang Hoi-Laam Haker Gai Wu 04
Tanya Dhar Haker Valley 05
Tammy Lau Nga-wun Stut Gai Wu 23
Lee Ka-shun Stut Gai Wu 26
Chloe Baltazar Slot USRC Tigers 07
Morena Grierson Slot Kowloon 00
Roshini Turner Slot HKFC 10
Chow Mei-nam Slot Gai Wu 24
Megan Richardson Losvoorspeler klubloos 03
Kea Herewini Losvoorspeler Valley 03
Yuei-Tein Fion Got Losvoorspeler HKFC 06
Leung Choi-See Losvoorspeler klubloos 00
Agnes Chan Losvoorspeler HKFC 10
Micayla Baltazar Losvoorspeler USRC Tigers 05
Pun Wai-yan Kaptein Losvoorspeler Gai Wu 16
Shanna Forrest Losvoorspeler Kowloon 03
Karen So Losvoorspeler Valley 16

Bekende spelers

[wysig | wysig bron]

Tot dusver is nog geen Hongkongse speler in Wêreldrugby se Heldesaal opgeneem nie.

Sien ook

[wysig | wysig bron]
Rugbyportaal

Verwysings

[wysig | wysig bron]
  1. ↑ (en) "HKCR Adds Members To Performance Team". Rugby Asia 24/7. 7 Augustus 2023. Besoek op 10 Februarie 2025.
  2. ↑ (en) "Women's and Men's Rankings". Wêreldrugby. Besoek op 8 Junie 2025.
  3. ↑ (en) "Hong Kong". Wêreldrugby. Besoek op 8 Junie 2025.
  4. ↑ (en) "Hong Kong Rugby Union". Asië Rugby. Besoek op 8 Junie 2025.
  5. ↑ (en) "HK Women's Rugby World Cup Debut – The birth of a legacy". Third Culture. 18 Augustus 2017. Besoek op 23 September 2017.
  6. ↑ (en) "Hong Kong out to end Women's Rugby World Cup debut on a high note". Hongkongse Rugbyunie. 25 Augustus 2017. Geargiveer vanaf die oorspronklike op 23 September 2017. Besoek op 23 September 2017.
  7. ↑ (en) "Womens Rugby World Cup 2017". rwcwomens.com. 9 Augustus 2017. Besoek op 23 September 2017.
  8. ↑ (en) "Hong Kong Squad Selected For Women's World Cup Debut". Ierse Rugbyvoetbalunie. 22 Julie 2017. Besoek op 2 September 2017.
  9. ↑ (en) "Hong Kong win in Fiji". Scrum Queens. 28 Oktober 2019. Geargiveer vanaf die oorspronklike op 28 Oktober 2019. Besoek op 28 Oktober 2019.
  10. ↑ (en) "Samoa shock Hong Kong at Asia Pacific". Scrum Queens. 28 Oktober 2019. Geargiveer vanaf die oorspronklike op 28 Oktober 2019. Besoek op 28 Oktober 2019.
  11. ↑ (en) "Samoa win Asia Pacific". Scrum Queens. 3 Junie 2019. Geargiveer vanaf die oorspronklike op 3 Junie 2019. Besoek op 3 Junie 2019.
  12. ↑ (en) "Samoa, Hong Kong women out of World Cup qualification due to COVID-19". Reuters. 21 Januarie 2022. Besoek op 8 Junie 2025.
  13. ↑ (en) "HKRU withdraws Women's XV from Rugby World…". Hongkongse Rugbyunie. 22 Januarie 2022. Geargiveer vanaf die oorspronklike op 22 Januarie 2022. Besoek op 22 Januarie 2022.
  14. ↑ (en) "Omicron restrictions force Hong Kong's women to end Rugby World Cup dream". South China Morning Post. 21 Januarie 2022. Besoek op 8 Junie 2025.
  15. ↑ 15,0 15,1 (en) "New-look Hong Kong at record high in World Rugby Women's Rankings powered by Capgemini". Wêreldrugby. 12 Desember 2022. Besoek op 21 Desember 2022.
  16. ↑ 16,0 16,1 (en) "2022 in Review: World Rugby Women's Rankings powered by Capgemini". Wêreldrugby. 19 Desember 2022. Besoek op 21 Desember 2022.
  17. ↑ (en) "Hong Kong China Confirm WXV3 2024 Squad". Rugby Asia 24/7. 19 Augustus 2024. Besoek op 8 Junie 2025.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Hongkongse_nasionale_vrouerugbyspan&oldid=2814746"